繼續寵愛‧二十年‧音樂會丨唐唐壓軸獻聲感謝哥迷從未遺忘 郭富城榮幸曾為張國榮伴舞
2023-04-02 00:15 
張國榮《繼續寵愛．二十年．音樂會》今晚於紅館舉行，演唱會尾段，陳潔靈與張國榮隔空合唱《誰令你心痴》，古巨基則演唱《Dear Leslie》及《風繼續吹》向張國榮致敬。演唱會最後郭富城驚喜現身，從舞台下升起又唱又跳《Monica》，重現經典舞步，更有逾20名舞蹈員伴舞，現場隨即high爆，觀眾紛紛站起跟着一起跳兼報以尖叫聲。
【相關閱讀】：繼續寵愛‧二十年‧音樂會丨張智霖當老婆面攬女致敬哥哥 袁詠儀憶拍《金枝玉葉》有人呷醋
【點擊睇郭富城唱《Monica》】：
郭富城唱畢《Monica》後，指著天及向天送上飛吻，接着他說：「今晚係一個好特別嘅日子，20年，哥哥一直喺我哋嘅心入面，一直都喺度。我記得我入行第一個騷，係1986年嘅《星光熠熠耀保良》，我好有幸同佢表演，不過嗰陣做dancer，好榮幸好開心曾經為佢伴舞。我仲記得佢仲請我哋食飯，對dancers好好。其後我做咗歌手，一直都覺得佢先係真正嘅舞台王者，冇人代替到。佢成笑住對dacners講：『畀心機，畀心機！』我真係有畀心機㗎。雖然過咗咁多年，相信全球歌迷都好錫Leslie。」接着郭富城演唱張國榮第一首金曲金獎歌曲《有誰共鳴》，唱到一半郭富城說：『我好記得哥哥攞第一首金曲時，唱呢歌時話：『我唱呢隻哥唱到眼濕濕，以後我唱呢首歌都要笑住唱。』」然後着觀眾一齊拍手，場面感人。
音樂會完結前，現場螢幕放出哥哥與摯愛唐鶴德的合照，唐唐錄音獻聲悼念哥哥：「古人有一句說話係咁樣講：『死而不亡者壽』，原來死亡並唔係一個終結。被遺忘嘅，先至係。好幸運，哥哥喺佢呢20幾年嘅演藝生涯裡面，佢演過好多令人印象深刻嘅角色；唱過好多動人心弦嘅歌曲；亦都留底咗好多姣、靚、型、寸嘅舞台表演，呢啲都成為咗我哋嘅集體回憶。更幸運嘅係，哥哥有一班一直以嚟都咁愛佢、咁錫佢、咁掛住佢嘅好朋友、哥迷同影迷。我喺呢度代表哥哥衷心咁多謝大家。今日係一個特別嘅日子。
我哋就襯住今晚呢個機會，一齊回憶哥哥嘅過去、回憶佢嘅真、善、美，延續對哥哥嘅愛同思念。繼續寵愛，張國榮。」
郭富城在接受訪問時，直言跟哥哥有很多難忘回憶：「我啱啱出道，哥哥已經係天王巨星，對我嚟講係一個好遙遠嘅事，但Leslie對人毫無架子，好錫dancers，所以你見我而家都好錫Dancers，我覺得呢種就係傳承精神。」郭富城透露因覺得《Monica》和《有誰共鳴》很有意義，所以自己特別揀選這兩首歌來唱，希望用這兩首歌去懷念對方。
而早前在美加舉行巡迴演唱會時，郭富城亦有在當地宣傳新戲《斷網》及《風再起時》，以及參與當地電影展並且得獎。郭富城表示最初也擔心趕不及回港，但幸而經安排後亦能順利參與今次演出，他指現時最大問題就是時差，每天早上8、9點才能入睡，相信要過一、兩星期才可以調整睡眠時間。至於如何慶祝得獎？他說：「其實係一種鼓勵，攞完就放低，繼續做想做嘅工作，舞台係我最熱愛，又可以唱歌又可以跳舞、同啲fans互動，好開心。」郭富城亦預告今年會專注演唱會及音樂上的工作，至於電影則隨緣。
【相關閱讀】：
繼續寵愛‧二十年‧音樂會丨梁朝偉憶張國榮無限鬼主意：昔日春夏秋冬都有你在場
張國榮逝世20周年丨哥迷自發搞紀念晚會逾2000人聚集 日韓粉絲：永恆超級巨星
張國榮逝世20周年丨文華東方酒店擠滿「哥迷」 兩米高紅紙鶴樹最搶眼 龍尾排到遮打花園
《星島申訴王》於3月1日隆重登場，節目為民請命抱不平、追蹤城中熱話，亦會搜羅溫情小故事。你申訴，我跟進，搵91999933，《星島申訴王》隨時候命！
立即報料：https://bit.ly/3IMunqd
你的獨家報料一旦被採用及報導，將獲得乙份獎品。
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應