梅啟明跣低入院首現身 唔認慢動作跌低呃工傷：我要呃一早去呃啦

已故天后梅艷芳胞兄梅啟明上周五於銅鑼灣一間食肆工作時，疑失足跌倒昏迷， 其後半清醒被送往律敦治醫院治理，當日已回復清醒兼情況穩定。今日再度傳出他病情反覆，發燒逾39度，更左邊身麻痺，醫生擔心他患輕微中風。今日梅啟明接受TVB娛樂新聞台電話訪問，否認扮跌傷呃工傷，至於是否中風，他則表示：「醫生驚啫。」

【相關閱讀】：梅啟明工傷入院病情反覆恐中風 聞梅媽被人控制 揚言出院誓「做嘢」

【點擊睇梅啟明解畫】：

71歲梅啟明在銅鑼灣水門雞飯任職廚工期間，意外跣腳撞頭半昏迷送院。

梅啟明送往律敦治醫院搶救。

梅啟明被傳以「慢動作」跌倒呃工作，他否認說：「慢動作？點樣慢動作我唔知啊，總之我拎住啲嘢唔知點樣kick到。」

梅啟明透露自己由店舖開張已經工作：「佢成日都請唔夠人，我日日都冇停手。」

對於被指恐有恐有中風之虞，梅啟明淡定回覆說：「醫生驚啫！」

梅啟明表示因跌傷入腦，驚撞傷腦部要照磁力共震。

至於左邊心口瘀傷及右邊肺的黑點，要再做詳細檢查。

梅啟明又炮轟梅媽的私家看護，揚言出院會找對方算賬。

梅啟明指梅媽每日食白粥、腐乳。

梅啟明目前仍在留醫接受治療。

梅媽育有兩子兩女，有指梅媽一向重男輕女，梅艷芳4歲已經要登台搵錢。

雖然梅艷芳曾因錢銀轇轕與哥哥梅啟明劃清界線，但梅媽卻多次在傳媒面前維護兒子。

梅媽曾在鬧市開記招，大呼要為阿梅之死討公道，當時梅啟明也相伴在則。

梅媽2004年至2011年間多次出入法院，梅啟明亦在旁邊傍實。

梅啟明與梅媽關係一直都好好，直至2021年因梅啟明入稟高院控告安樂的《梅艷芳》侵權。

梅媽怒斥梅啟明「財迷心竅」，更被激到血壓急升不適入院。

梅媽在去年2月更登報與梅啟明斷絕母子關係，梅啟明隨即開街頭記招，指摘是姪仔梅柏麟在背後操縱事件，又呻每月只得2萬元零用錢。

到8月梅啟明與陳玉娥開記招，指控姪兒梅柏麟（Kevin）與照顧梅媽7年的看護鄭姑娘聯手軟禁母親，再自爆13歲兒子Richard懷疑患癌，要找梅媽拎錢醫病。

梅啟明指梅媽每個月有25萬元，但只給他2萬元。

梅啟明表示跟正室Joey搞緊離婚，對方已帶埋個仔返馬來西亞。

梅啟明日前工作期間不慎跌倒，事後有指他以「慢動作」跌低，疑似騙取工傷，梅啟明透過電話訪問親自解畫：「慢動作？點樣慢動作我唔知啊，總之我拎住啲嘢唔知點樣kick到，死都要拎住盆飯，之後點樣我就唔知喇！」梅啟明透露他是全職工作，月薪約2萬元，更表示自己由店舖開張已經返工：「我喺嗰度由開張做到而家，佢成日都請唔夠人，我日日都冇停手，一路係咁做，點解啲人走晒呢？如果我要呃一早去呃啦，做乜仲要喺度做成年啊？」

至於梅啟明病情反覆，甚至患輕微中風，他說：「醫生驚（輕微中風）啫，所以要check，仲要照磁力共震，排期排到下個月，我問醫生點解咁耐，佢話我已經最快，其他人都要排成年，同埋跌親入院，所以驚我個腦有事，要照腦同埋其他地方，報告就話我左邊心口瘀咗，右邊個肺有啲黑點，而家要做詳細檢查。」

梅啟明在訪問中更指「梅媽」梅覃美金的私家看護阻攔醫護及警方通知梅媽他入院一事，梅啟明說：「（梅媽）打咗電話，打埋畀女朋友，女朋友走去探佢，探佢兩日，睇佢食白粥同腐乳，冇營養，於是我女朋友返嚟同我講，有兩個工人、一個護士應該識煮嘢畀佢食，我女朋友諗住買啲肉，搵架機打爛佢，起碼啲粥都有肉，營養都好啲。」梅啟明更揚言出院就會找梅媽私家護算賬：「我一出去第一時間就做呢樣嘢，唔能夠畀佢咁對待我阿媽。」

【其他閱讀】：

梁洛施於內地被瘋傳與王傑註冊結婚  經理人代澄清：無中生有

洪永城畀囡囡揀衫襯到「怪怪地」   Sir Face少理阿爸闊落客廳行catwalk興奮揮手

林作媽開IG連環晒奢華生活 年輕美貌撞樣田蕊妮 仲Follow呢位靚女都拒加裕美

《星島申訴王》於3月1日隆重登場，節目為民請命抱不平、追蹤城中熱話，亦會搜羅溫情小故事。你申訴，我跟進，搵91999933，《星島申訴王》隨時候命！
立即報料：https://bit.ly/3IMunqd
你的獨家報料一旦被採用及報導，將獲得乙份獎品。

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ