獨家丨張國榮不屑巨星鬧Fans X街拒做朋友 塵封20年絕密趣事曾被王力宏「拒絕」

一代巨星張國榮(哥哥)離世20周年，傳媒都狂做懷念哥哥系列，《頭條日報》從行內人收到塵封20年，有關哥哥的絕密娛圈趣事，另又提供兩張私人珍藏30年的哥哥靚相，絕非Google公海質素，讓Fans懷緬偶像昔日風采。從噓聲中成長的哥哥，出道初期經歷唔少辛酸，故有江湖地位後不忘扶掖後輩，避走冤枉路，好似欽點舒淇拍《色情男女》令她成功轉型。哥哥眼光獨到，好多新人恨獲加持，但當年的王力宏就相當唔識趣。另外，哥哥睇唔過眼有巨星戴面具對Fans，合作過後就不相往來。採訪：娛樂組

絕密靚相之一，攝於中國會，穿上黑色西裝配黑色煲呔的哥哥斯文靚仔，盛裝打扮跟相熟傳媒去晚宴。

絕密靚相之二，踢拖開工的哥哥衣著襯晒色，留意返，哥哥手指及腳指甲好整齊，因為一直有搵人修甲。

哥哥欽點舒淇拍《色情男女》轉型，從此跳出3級女星框架。

曾跟張學友拍過《倩女幽魂2人間道》及《阿飛正傳》，哥哥當學友如細佬般照顧。

黎明已故契媽小青係哥哥麻雀腳，故哥哥視黎明如契仔，當年黎明參加完新秀後，張國榮係第一個約佢食飯嘅巨星。

張衛健初出道時，被張國榮賜為「表哥」，從而令更多人認識。

古天樂於TVB拍劇時深得哥哥歡心，曾引薦他拍電影《夜半歌聲》，可惜TVB唔放人。

林憶蓮錄製新歌，哥哥過台灣為她讀白。

哥哥同莫文蔚媽咪係世交，他以Uncle身份睇住世侄女，安排Karen首踏紅館做他個唱嘉賓。

1999年邀請剛出道的張栢芝拍音樂劇《左右情緣》，翌年栢芝發生交通意外哥哥又送她護身符。

拍《異道空間》時劇組背後偷叫林嘉欣做肥妹，哥哥反而讚她肥得可愛，畀唔少信心呢位新人。

哥哥於2000年1月21日，以貼身透視裝加閃令長褲及頭巾，再配襯長大褸，現身紅館領取《十大中文金曲》頒獎禮的最高榮譽「金針獎」，哥哥一口氣唱出串燒新舊歌助慶，期間開心到圍住4面台係咁跑，當唱到《黑色午夜》時突然跑埋觀眾席攬實劉德華，力度大到將華仔撞跌落凳。之後哥哥喺偶像陳寶珠手上接過獎項，最後唱出《無心睡眠》更由梅艷芳伴舞。

哥哥喺偶像陳寶珠手上接過《十大中文金曲》嘅「金針獎」。

哥哥領取「金針獎」當晚唱串燒歌，突然跑埋觀眾席攬實劉德華，力度大到將華仔撞跌落凳。

大人有大量唔放喺心

心情大靚的哥哥當晚於慶功宴上見人就開心狂攬，仲主動向當年「最有前途新人男歌手」金獎得主王力宏(Leehom)攞聯絡電話，但Leehom啱啱入行懵盛盛，一時間不知所措，惟有提供唱片公司電話，請咗哥哥食「檸檬」，事後仲話冇諗過畀私人電話哥哥。好彩哥哥大人有大量，不但冇嬲Leehom，更邀請他在其執導的公益短片《煙飛煙滅》擔任第二男主角，片中Leehom演助理攝影師Dave，同哥哥有唔少對手戲，哥哥唔止摸Leehom塊面，最後喪子的哥哥被Leehom拖住手上演內心戲，最後更爆喊將個頭挨落Leehom肩膊。

除Leehom係新人外，有份拍《煙飛煙滅》嘅梅艷芳、莫文蔚明顯係哥哥「自己人」。

哥哥喺《煙飛煙滅》中摸Leehom塊面，羨慕死人。

做感情戲時仲捉住手仔。

一齊睇Play Back。

巨星閂窗變臉鬧Fans

哥哥經常教導後輩唔止要唱好歌、拍好戲仲要做個好人，行內人爆料，指哥哥曾經跟一位巨星在內地拍戲，卻不屑對方虛偽行為，「哥哥親證嗰位紅星幫Fans簽名、影相，笑晒口來者不拒，但一閂窗就變臉鬧爆人哋係X街，哥哥睇唔過眼同身邊人講返件事，話不值巨星戴住個假面具，所以哥哥唔會同『佢』做朋友，拍完戲就冇交往。」

以往哥哥同唔少紅星、巨星合作過，包括林青霞。

同王祖賢合作《倩女幽魂》。

和發哥、紅姑拍《縱橫四海》。

與梁家輝、王菲拍《戀戰沖繩》。

跟華仔拍過電影《新上海灘》。

毛舜筠係哥哥舊情人知己。

同梅艷芳係好友加好拍檔。

電影《春光乍洩》劇照，張國榮、梁朝偉。

和商天娥合作電視劇《儂本多情》。

當年跟張曼玉出戰商台藍籃球賽。

作歌《如果你知我苦衷》畀周慧敏。

拍袁靚靚做《金枝玉葉》。

劉嘉玲仲係哥哥麻雀腳。

另外，哥哥逝前常對住朋友唱鄭少秋的《楚留香》，尤其最愛歌詞「來得安去也寫意人生休說苦痛…聚散匆匆莫牽掛…千山我獨行不必相送。」唱出在世46年心聲。行內人又指哥哥為人好好，經常會安慰遇上難題嘅朋友，「使唔使死先？！」但自己最後選擇走呢條路，提起都相當心酸。

哥哥笑容好迷人。

堅靚仔。

哥哥型到爆。

哥哥同已故愛犬Bingo好有感情。

當紮時代嘅哥哥。

哥哥出浴。

哥哥好性感。

細個時眼大大好精靈。

迷人笑容。

哥哥露腿呀。

當年仲係小鮮肉嘅張國榮。

同當年小花倪詩蓓拍過拖。

古裝look哥哥。

《星島頭條》APP經已推出最新版本，請立即更新，瀏覽更精彩內容：http://www.stheadline.com/