馮允謙同釗峰甜爆日常生活放上紅館多謝父母兼諗起陰功舊史兩度爆喊

2023-03-27 18:45

馮允謙（JayFung）昨晚在紅館舉行第二場《JAYPOP LIVE@COLISEUM馮允謙演唱會2023》，表演嘉賓林明禎換上全新紅色貼身裙，大騷身材和美腿，她與Jay貼身舞火辣升級，最後兩頭靠近幾乎咀嘴時關燈，令人充滿幻想，全場尖叫。而另一位表演嘉賓梁釗峰出場，亦令全場氣氛急升。他們合唱《我好想你》後，釗峰透露與Jay首次約會是一起去欣賞填詞人周耀輝老師的音樂會，而剛才合唱的歌正是他的作品，希望大家喜歡他們的合唱版。

林明禎換上全新紅色貼身裙。

最後兩頭靠近幾乎咀嘴時關燈，令人充滿幻想。

釗峰揚言Jay在他心中很重要：「身邊每個人都愛惜佢及關心佢係有原因，幾年前佢生日，我模仿佢錄過嘅一段旋律，唱咗句生日快樂嘅訊息畀佢。正常都係覆一句多謝，最多畀埋心心，但佢唔只畀心心，仲錄返條影片畀我，一齊睇。」台上熒光幕播出Jay將多謝的說話用英文唱出，非常可愛。釗峰問觀眾：「係咪好Sweet？嘩，我好想Check吓當時糖尿指數。其實我都好想知Jay心目中嘅釗峰係點？有一次拍節目，佢話：『我每次見到釗峰都好開心、好想笑，佢個樣好似Snoopy。』」身旁的Jay搶着說：「真係好似，好可愛，所以我叫佢『Snoopy』！」釗峰無奈地說：「喺Jay心目中我係一隻可愛小狗！」

釗峰稱被Jay Fung的短訊甜親。

昨日Jay台上兩度灑淚，當他唱《Days, They've Gone Too Soon》時，表示感激父母支持他追夢，說：「爹哋媽咪，我今日夢想成真，我企喺呢度⋯⋯（全場掌聲和歡呼聲）聽唔聽到？雖然我唔係做醫生或者好叻，但我真係好鍾意音樂，多謝你哋畀機會追我嘅夢想。」他邊說邊抹眼淚，除了唱歌還吹奏一段口琴。另外唱《Keep on fight on》時表示這歌是他在谷底時，歌詞給他很大安慰，唱到一半就忍不住喊，觀眾拍掌鼓勵。演唱會尾聲，Jay邀請全場觀眾開手機燈，自拍星海大合照，非常壯觀。