中年好聲音丨曹敏寶大熱倒灶闖十強失敗 涂家堯淚崩講離婚險被淘汰
2023-03-19 23:00 
TVB歌唱真人騷《中年好聲音》今晚播出「第六部曲 故事之歌」下半場，十強賽果亦已塵埃落定，繼上周「上半場」梁浩銓被淘汱後，今集輪到曹敏寶慘遭淘汰，未能進入最後十強。今集林鉫偉最先出場演出《好人》，分享多次被抨擊肥、「男人婆」的感受，最後更唱到眼濕濕，獲得評判一致好評，以86分名列前茅，穩坐十強資格。
【相關閱讀】：中年好聲音丨5.13九展舉行《夢想成真演唱會》 支嚳儀晒豪宅否認炫富慶幸位置未曝光
【點擊睇曹敏寶被淘汰】：
緊接出場的吳大強則分享15、16時少年時的戀愛經驗，唱《Killing Me Softly》向當年美少女憑歌寄意：「女仔十八一朵花，但當時細個未有勇氣識佢，機會過咗就冇，人生就係咁，冇勇氣踏出一步，就做唔到當時個心想做嘅嘢。」雖然唱拿手英文歌，但出現不少負評，郭偉亮（Eric Kwok）狠批他整首歌變化欠奉：「我用咗肥媽嗰招，就係攞嘢食（肥媽在旁即作狀喊打），如果我攞嘢食，即係你冇完全得到我注意，咁我真係攞咗兩次嘢食。」最後吳大強僅得79分，一度陷入淘汰邊緣。
而涂家堯演唱《我們》並分享當年離婚點滴：「本身我唔想離婚，但當時佢（前妻）講咗句，話我浪費咗佢六年時間，聽到我覺得冇乜挽回嘅餘地」，家堯更指為了不想家人擔心，確是度過了段難熬的日子。最後涂家堯僅得78分，其中張佳添僅給14分，他批評涂家堯咬字太實，嘴巴卻沒有張開：「去到後來發覺原來高音都好緊，你有你唱，琴有琴彈，你拋離咗個琴好多，所以呢件事我都扣咗唔少分。」
最後曹敏寶出場演出《P.S.我愛你》，曹敏寶透露曾有情緒問題，而且肥到150磅，是這首歌可以令她所有負能量都消失：「呢首歌對我嚟講嘅意義，可以媲美肥媽嘅《Mama I love you》。」雖然曹敏寶感情十足，但Eric Kwok就批評她閉眼時間太多：「令我想同你連繫，都連繫唔到，但有見到你笑多咗。反而你嘅聲唔夠特別，我喺收音機聽到點認出你把聲呢？」張佳添則大讚她的聲音、氣息都好好：「去到副歌你撐唔起，支撐唔夠，口擘唔大，去到後尾一句仲急咗，但係個頭開得好靚，好可惜。」最後曹敏寶僅得72分，成為下半場最低分，未能進入《中年好聲音》最後十強。
【相關閱讀】：
中年好聲音｜41歲龍婷旺角街頭唱到上央視春晚 曾犯官非仲同TVB有「牙齒印」
獨家丨《中年好聲音》周吉佩兩度險尋死幸有太太救命 樂隊解散打擊極大
中年好聲音｜吳大強71歲追夢成大熱 三仔吳偉豪獲TVB力捧 五父子顏值爆表引關注
支嚳儀分享湊仔生活意外曝光豪宅 飯廳擺12人大理石枱衣帽間收藏大量名牌手袋
《星島申訴王》於3月1日隆重登場，節目為民請命抱不平、追蹤城中熱話，亦會搜羅溫情小故事。你申訴，我跟進，搵91999933，《星島申訴王》隨時候命！
立即報料: https://bit.ly/3IMunqd
你的獨家報料一旦被採用及報導，將獲得乙份獎品。
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應