陳嘉桓多得「細B」令事業有轉機揀對象唔要性格複雜男

2023-03-16 18:35

近年主力做皮紋分析工作的陳嘉桓（Rose），今年有計劃再出書，不過今次並不是旅遊書而是皮紋分析書。因為疫情關係，陳嘉桓與契媽合資的美容生意，曾停業過一段時間，反而指紋生意上有更好發展，所以希望藉着這幾年的溝通個案，出書去幫助家長跟孩子溝通，特別是90後的新一代家長，如何教養小朋友。雖然90後的陳嘉桓未有小朋友，但幸好有「細B」，令她對教養小朋友有一定心得！

【點擊睇陳嘉桓近況】：

陳嘉桓（左）近年主力做皮紋分析工作。

今年有計劃再出書。

IIPDA國際大腦皮紋分析師畢業典禮。

陳嘉桓專注事業。

對感情事隨緣。

Rose為小朋友採指紋

Rose為低收入家庭解讀報告。

繼續開班。

Rose與Janey頒大腦皮紋分析師證書給學生。

Rose同契媽合作愉快！

陳嘉桓口中的「細B」，原來是同母異父的弟弟：「我學完皮紋分析之後，第一個實習對象就係媽咪，因為佢當時陀緊細B，我真係做咗個實證，原來懷孕期對BB腦部發展好緊要，好多人話贏在起跑線，起跑線唔係揀學校，係喺個肚入面，喺孕期已經開始緊一路鋪嗰條路。」她又稱：「有時見新認識嘅朋友仔，一睇佢哋十指已經知道晒佢哋性格、細個學習模式，佢哋覺得好神奇。我都見過好多媽媽，將自己年輕做唔到嘅嘢，寄望喺小朋友身上，但佢哋心先天潛能未必同媽媽相同，可能佢哋有第二個發展，我喺呢段時間幫咗好多家庭，佢哋學習模式係咩，好多都擔心揀學校、揀科有咩係啱佢哋，移民去到新環境佢哋性格又會唔會適應到，呢個都係我哋報告幫到嘅地方。」

再問有否拍拖？陳嘉桓笑說：「拍拖唔特別講啦！我而家工作好很忙，個個都有開唔同嘅班，做培訓工作時間長，亦有很多準備功夫，連陪屋企人同狗狗嘅時間都好都很少，何況搵另一半？」她又稱：「隨緣啦，始終自己紋型簡單啲，有時遇到性格複雜嘅男士就唔係幾啱，期望之後，可能睇下有冇識到個啱先算。」出書之外，Rose還有另一個大計，是開網上影片平台，以其藝人身份拍片宣傳企業業務，以及跟不同導師一齊合作做企業培訓。