涉糾黨搶劫男商人50萬 疑負責接應司機被控搶劫罪

3名持牛肉刀的劫匪涉在2019年尾於尖沙嘴，搶走男商人手上內有50萬元現金的手提包，涉嫌負責駕車接載同黨協助逃逸的25歲男貨車司機被控一項搶劫罪，案件今(13日)於高等法院開審。控方指被告被捕後在警誡下說道，其同黨聲稱「一齊搵快錢」，如他協助駕車接載，「事成之後會分五萬銀俾我，但之後佢話唔夠錢分，所以我一蚊都收唔到！我唔識其他車上嘅幾個人㗎」。

被告警誡下：同黨聲稱「一齊搵快錢」 最後我一蚊都收唔到

25歲男被告張家發被控於2019年12月30日，在香港九龍尖沙嘴亞士厘道4至4B號，連同莊展鏜、方梓諾及周志豪，搶劫男子李誌偉，劫去港幣50萬元現金。

男商人李誌偉出庭作供指，李誌偉在案發當日提款港幣50萬元現金，駕車前往漢口中心進行交易，李拿著裝有港幣50萬元現金的手提包下車時，3名持械劫匪持刀衝過來搶走其手提包，李舉手擋刀時割手輕微流血。控方開案陳詞指，被告負責駕車在案發地點附近接載劫匪及贓款，被告被捕後在警誡下稱：「阿Sir，單嘢係呀曹操搵我攪嘅，佢話一齊搵快錢，我負責揸部Benz，事成之後會分五萬銀俾我，但之後佢話唔夠錢分，所以我一蚊都收唔到！我唔識其他車上嘅幾個人㗎」。

被告帶警方到葵涌協助重組案情時亦透露，「阿Sir就係前面呢部Benz，案發嗰日我就係揸呢部車載佢哋去犯案，之後我喺長沙灣近美孚放低晒佢哋，然後我就將部車揸咗去葵涌貨櫃碼頭度泊低，條車匙就擺喺右後車轆」。控方指被告明知同黨會進行搶劫，並協助準備及安排車輛讓同黨逃逸，被告在行劫當時坐在車上等候同黨上車，再接載同黨連同50萬元贓款。

法庭記者：劉曉曦

 

---

《星島申訴王》於3月1日隆重登場，節目為民請命抱不平、追蹤城中熱話，亦會搜羅溫情小故事。你申訴，我跟進，搵91999933，《星島申訴王》隨時候命！
立即報料: https://bit.ly/3IMunqd
你的獨家報料一旦被採用及報導，將獲得乙份獎品。

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ