專欄│南特做完世界要還
2023-03-04 13:00 
星期三晚跑完夜馬，畀班德禮抽起隻「晉神」無咗條好分頭的四重彩，心灰意冷之下，跟自己在估波膽遊戲中所選的南特對朗斯，投注些少玩下。筆者親眼見過他們在兩場歐霸對祖雲達斯的比賽，夠膽講句南特比任何一隊法甲都差，唔使逼佢都會自己傳失，根本不在頂級聯賽水平，當然投注朗斯客勝。
無嘢做，開電視睇下呢場法國足總盃，南特主場無球迷入場，應該係被禁入場之類，但無人入場就無法無天，朗斯開紀錄後一分鐘內，其後衛在自己禁區就無端端出腳踢低對手，南特靠十二碼追和。之後已經熄電視，呢種情況，老套路啦，必然開下盤。
做完世界要還，因為巴黎聖日耳門周三要打歐聯，法甲就會編場周五或六的比賽給他們歎，等佢哋有多點時間準備歐聯，理得你南特星期三晚先做完場大龍鳳。為求盡早休息，巴黎可以在半場內拋離南特，必推半場波膽3:0、4:0 ，半場1.5球和2.5球入球大都要捧。
英超方面，阿士東維拉似乎踏入正軌，預計會主動搶攻水晶宮，前仗對阿仙奴表現已唔錯，上場更作客兩球贏愛華頓；水晶宮則悶波一隊，獨孤防反，個人會推介上盤，貪心的話讓球主客和「和」博贏一球都可以。馬高
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
關鍵字
最新回應