林明禎上節目主持竟然冇睇《飯戲攻心》 高EQ女神嚇呆3秒一招化解尷尬場面
2023-03-03 20:00 
現年32歲的「大馬女神」林明禎近年來港發展，去年她有份主演的電影《飯戲攻心》更屢創票房紀錄，大收逾7,700萬，成為香港影史上最高票房的港產喜劇。林明禎更憑《飯戲》人氣急升，接拍多個廣告，不時在街道或交通工具上都會見到她的身影。最近林明楨以亞洲電影大獎學院青年大使身份，現身YouTube頻道「好青年荼毒室」節目，暢談香港、馬來西亞及台灣三地生活；不過其中一位主持竟然自爆無睇《飯戲攻心》，「喵喵」林明禎即時驚呆數秘，不過最後以極高EQ幽默化解尷尬。
【點擊睇林明禎幽默化解尷尬】：
林明禎在節目中提到自己講普通話和廣東話感覺得不一樣：「講廣東話自己會帶一個節奏，很快講錯，所以拍出來我會覺得為甚麼這個人傻傻的。」主持人頌頌問林明禎，學廣東話最難的地方，林明禎表示：「最難嘅就係生活中嘅用語，好似我拍《飯戲攻心》嘅時候，覺得好難係因為裏面好多對白，係講……你哋有冇睇過？」另一主持鹽叔即說：「我有啊！好鍾意。」不過頌頌竟然回答說：「冇啊，我準備睇。」
林明楨即時嚇呆，場面非常尷尬，不過相隔3秒，林明禎即刻扮喊說：「原來都有人冇睇過《飯戲攻心》嘅。」極高EQ的她以幽默成功化解尷尬場面，之後對方辯稱自己很少入戲院睇戲，不過林明禎繼續追問頌頌：「你點諗呢套戲？」、「你覺得阿喵嘅角色係點？你鍾唔鍾意？」還叫他考「阿喵」的招牌動作，成功將尷尬轉化為搞笑。
今次林明禎接受電影相關訪問，引起網民熱烈討論，大讚林明禎「屈機，又靚又聰明、性格又超好，持續學講廣東話。」、「睇咗呢個訪問反而覺得明禎行為想法好成熟，又不失可愛，感覺認識多咗明禎呢位演員。」又大讚她EQ高。不過對於主持人頌頌無做功課，一班觀眾就大踩他準備不足：「完全唔做功課嘅主持，好彩女神回應得大方得體」、「其實採訪者咁樣真係好差，唔識又唔做功課既，就唔該主動舉手話做唔嚟/唔想做啦，要人哋受訪者幫你地兜，好冇意思……」
而之後主持人之一的鹽叔在影片下留言承認不足：「的確係我哋做得唔夠好，會努力改善。」他又表示原本流程重點是講林明禎對香港的感受，不同地方的文化體驗，並非討論電影內容，所以並無特別叫頌頌預先睇戲：「呢個的確係我做得唔夠好、諗得唔夠周詳，所以我都同大家講聲對唔住，係我陰咗頌頌。」鹽叔之後亦大讚林明禎：「主要想講其實明禎勁好，完左就即刻話頭先係節目效果，叫頌頌唔好介意。明禎真係世一！」
【其他閱讀】：
34歲前港姐許芷熒晒孕肚宣布懷第二胎 湯洛雯讚叻叻引網民催生BB
許懷欣貼童年與許冠英玩推撞 想念如大細路已故伯父留下美好回憶
1978年最上鏡小姐張夢厦近況曝光 婚後助老公從商閒時畫畫參與畫展
《星島申訴王》於3月1日隆重登場，節目為民請命抱不平、追蹤城中熱話，亦會搜羅溫情小故事。你申訴，我跟進，搵91999933，《星島申訴王》隨時候命！
立即報料: https://bit.ly/3IMunqd
你的獨家報料一旦被採用及報導，將獲得乙份獎品。
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應