口罩令取消｜結束959日戴口罩的日子 市民約朋友落酒吧慶祝：舒服咗好多
2023-03-01 00:12 
疫情三年來，市民幾乎口罩不離身，直到今日（28日） ，政府宣佈維持959日的口罩令將於周三（1日）起取消，市民於室內、戶外、公共交通工具以及學校等場所，均不需佩戴口罩。消息一傳出後，不少市民表現雀躍，表示期待已久終可見到親友的樣貌，生活重回正軌。《星島頭條》晚上到太子酒吧區一帶了解，發現有不少酒客相約朋友到場，準備慶祝結束香港三年抗疫之路。
市民張先生為街頭表演者，他指疫情期間，他在街頭表演時需要長時間戴口罩，令他十分不方便，對於口罩令突然取消，他感到驚喜，又指「成件事舒服咗好多」，「自由咗開心咗，其實（戴口罩）好焗促，平日都有出開街街頭表演，而家終於可以除口罩唱歌，好開心，真係方便好多」。他笑言踏入凌晨零時，他即將脫離口罩的束縛，可以將身上的口罩棄置，「除咗口罩之後，終於可以除口罩聞到女朋友嘅香味，真係爭好遠，平時隔咗一層」。
酒吧常客余先生亦與一班朋友慶祝口罩令即時解除，「非常之好啦，落嚟酒吧，見到啲女仔真面目示人，可以望清楚，落嚟玩唔洗咁避忌」。不過他指之後乘搭交通工具時亦會戴回口罩，「都會戴返個口罩保護自己，始終唔係好多嘢都好安全，但唔洗戴口罩，出去玩真係好開心relax 啲」。
市民李先生指香港人自由奔放，根本不喜歡戴口罩，現時口罩令結束，大家終於可以以真面目示人，「除咗口罩見到真樣，無咁隔膜，外國朋友嚟到香港都輕鬆啲」。
另外，酒吧負責人吳小姐指政府今日公佈即將取消口罩令，便收到多名市民致電訂枱，希望今晚能夠慶祝凌晨零時後不用戴口罩，「生意一定有影響，平日都唔會爆晒棚，今晚已經full晒，希望可以回升返至疫情之前咁」。
另外，本網記者亦到中環了解，發現蘭桂坊今晚人頭湧湧，當中不乏專程到場慶祝口罩令撤銷。有年輕市民一踏入凌晨零時，立即脫口面上的口罩，並掉落地下狂踩，另外亦有中年男子拿出打火機燒口罩，非常輕奮。任職文員的柳先生今日亦有到蘭桂坊慶祝，「我等呢一刻等咗好耐，終於可以做返一個人，呢三年大家為咗抗疫犧牲咗好多」。
相關新聞：口罩令取消｜李家超：香港歡迎每一個內地同胞
相關新聞：口罩令取消｜3月1日起全面撤銷 高風險地點以行政方式處理
《星島申訴王》於3月1日隆重登場，節目為民請命抱不平、追蹤城中熱話，亦會搜羅溫情小故事。你申訴，我跟進，搵91999933，《星島申訴王》隨時候命！
立即報料: https://bit.ly/3IMunqd
你的獨家報料一旦被採用及報導，將獲得乙份獎品。
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應