陳穎欣首踏足意大利睇時裝騷　難得坐頭排唔敢食嘢興奮到失眠

陳穎欣（Yanny）日前獲邀到意大利米蘭，出席品牌Max Mara 2023秋冬時裝展，首次到米蘭睇騷的Yanny十分興奮，雖然因時差關係遇上嚴重失眠，加上怕水腫唔敢食嘢，但有機會瘋狂打卡都值得。

Yanny在有巴洛克建築風格的場館，瘋狂打卡。

Yanny在時裝騷周圍自拍。

今次在米蘭舉行活動的場館，曾是教堂、瘟疫隔離所、醫院，如今已變身公園及文化活動場所的Rotonda Della Besana，建築風格屬巴洛克本身是打卡熱點，首次踏足意大利的Yanny，當然影唔停，「本身未去過意大利，今次終於體驗到呢個地方，真係好興奮，而且仲可以喺咁宏偉嘅建築物下欣賞喜歡嘅品牌時裝，真係好難忘。」 Yanny獲安排坐在頭排位置睇騷，更有機會入後台與品牌創意總監Ian Griffiths會面。

Yanny這身全藍裝束，優雅得來又不失青春。

Yanny開心在後台跟品牌創意總監Ian Griffiths見面。

Yanny接受當地媒體採訪。

難得有幸體驗這個旅程，可惜Yanny身體唔爭氣竟然出現嚴重失眠，連至愛美食都未敢喪食，「我係好為食，每次去唔同地方都要食盡當地美食，可惜自己好容易水腫，平時開工前，只可以食得好清，而今次活動舉行時間比較早，為咗有更好狀態，唯有節制飲食，絕對係今次行程最遺憾嘅事。」

出席時裝騷着露腰裝，Yanny唯有節制飲食。

Yanny、馬天佑和Faye Tsui在場館外合照。

新網站 www.stheadline.com 已推出