獨家追蹤丨姜濤神隱兩個月終現身維園打波 身形縮水敏捷返搶波超生猛
2023-02-24 02:20 
MIRROR成員姜濤去年11月初於《903 AllStar 籃球賽》第4節比賽時不慎受傷，事後接受手術並要做復康治療，直到今年1月1日商台《叱咤》頒獎禮，姜濤重踏舞台，但由於腳傷未癒影響運動，《叱咤》當晚表現和暴脹身形受到網民批評，之後姜濤再沒有出席公開活動，據知，呢段期間姜濤有繼續做物理治療，及有積極努力減肥，不過，當日拍完廣告後患上感冒，才缺席2月中嘅環保活動，並非傳聞中因為減唔到肥有心病。
今日MIRROR將會到尖沙咀出席活動，據知姜濤亦會出席，昨晚一身運動裝束的姜濤相約兄弟到維園打籃球，出一身汗會Fit好多，從讀者提供的片段可見，穿著黑色衛衣的姜濤雖然包到實，但明顯已比之前消瘦咗啲啲，戴住口罩打波的他非常投入，不時主動出擊，睇嚟好生猛，身心都好健康，相信漸入佳境的姜濤為重返幕前已落足苦功。
《星島頭條》APP經已推出最新版本，請立即更新，瀏覽更精彩內容：http://www.stheadline.com/
最新回應