朱咪咪開紅館騷遇騙案！險被賣豬仔爆遭朋友欺騙發火鬧人：叫佢落嚟
2023-02-23 23:00 
68歲朱咪咪受疫情影響，近3年一直留在新加坡，去年底她曾久違返港為TVB賀年節目《新春開運王》拍攝，不久又離港到馬來西亞工作，可見她暫時都未想退休。其實朱咪咪隔幾年都會返香港開演唱會，在海外亦有非常多登台工作，她近日向傳媒自爆，原來去年9月她本來有計劃在紅館開演唱會，但最後發現協助她開騷的友人居心叵測，因而放棄了檔期。
【點擊睇朱咪咪分享險受騙經歷】：
朱咪咪近日向傳媒透露，上次在紅館開騷已是2017年，雖然有歌迷希望她再次開紅館騷，但興趣不大一直沒有成事，但卻被一名吃喝玩樂認識、被她視為心腹的友人遊說下心郁郁，本來已決定返港開騷，卻在臨簽約前發現自己險被賣豬仔。朱咪咪指過去開紅館騷都是跟演唱會之父張耀榮合作，2014年張耀榮離世，之後兩次個唱都由張耀榮合作開的人為朱咪咪安排，由於朱咪咪很怕看文字，於是每次都是由對家為她講解合約內容，雙方講求信任。近年朱咪咪已無意再開紅館騷，卻被近年才認識的友人遊說，她經一位耀榮娛樂舊職員查看合約後被提醒，合約內暗藏惡毒條款！
朱咪咪指起初以為只是一份歌手演出紅館騷的一次性合約，但原來合約內寫明要她接的所有演出，由2022年至2024年版權都要歸對方公司所有，朱咪咪認為極不合理：「我10個騷有8個都喺海外，如果版權歸佢，佢間公司咪好發達。」朱咪咪指自己行走江湖幾十年，卻險被騙，她也表示：「講起嚟都冇人信，我朱咪咪行走江湖咁多年，睇我咁精靈，點會俾人呃，但原來我先係豬頭炳，差啲俾人呃咗落河，真係姓朱都俾人賣豬仔。」
朱咪咪識穿這位友人後，曾不再理睬對方，但對方仍不斷催她簽合約，她認為都應該有個了斷，「我唔要直接喺WhatsApp鬧佢，我WhatsApp錄音傳畀我老公，叫我老公去佢樓下，叫佢落嚟畀佢聽。我講晒佢啲衰嘢，我話我咁信你……」朱咪咪指由於多年來她有很多在海外登台的工作，而且單單都收美金，雖然不曾加價，亦幾乎沒有中介人，由於收入可觀，過去都曾被不少人打主意，經過這次經驗，她會更為小心。
【其他文章】：
林韋辰「登六」外貌零變化似40出頭 被讚後生過劉德華3字回應
一文睇清Uncle Ray追思會致意人士！鄭中基父親罕有現身 關楚耀父前寶麗金高層到場致哀
「御用老外」河國榮08年離巢TVB 工作量大減曾欠債80萬 社交網自爆新動向
《星島申訴王》於3月1日隆重登場，節目為民請命抱不平、追蹤城中熱話，亦會搜羅溫情小故事。你申訴，我跟進，搵91999933，《星島申訴王》隨時候命！
立即報料：https://bit.ly/3IMunqd
你的獨家報料一旦被採用及報導，將獲得乙份獎品。
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應