梁詠琪自爆被女兒投訴遭冷落 老公力撐唔好理結果：最緊要對得住自己
2023-02-20 12:15 
一連三場梁詠琪（Gigi）「時間遇上我們 演唱會」昨晚於紅館舉行尾場，Gigi請來鄭秀文（Sammi）擔任嘉賓，身穿紅黑露背連身裙的Sammi現身舞台即惹來全場尖叫，兩人在合唱完《蕩失》後先互攬及互咀，之後Sammi表示今天專誠為了Gigi選這歌衫，除了因要成為「黑白雙煞」外，又指自己的歌衫似蝴蝶，就像Gigi一樣不斷脫變：「由《百份百感覺》到而家成為一個女兒嘅媽媽，Gigi將最好嘅自己交畀歌迷。」
【相關文章】：
梁詠琪低胸高叉晚裝開騷走光露打底褲 張敬軒做嘉賓企女神隔離冇晒自信
商台DJ梁文禮私人FB狂數衫醜唱功差 梁詠琪認有進步空間：每一個意見都會接受
【點擊睇梁詠琪演唱會靚相】：
Gigi則讚Sammi做事認真，就算來做嘉賓也特別選了一對高踭鞋，Sammi聽後即笑說：「唔通著波鞋，矮你3個頭？」Gigi之後又指Sammi是看著自己入行的同輩歌手，自己入行前也聽經常對方的歌，很欣賞Sammi的認真及做任何事也力求進步，無論拍戲還是唱歌也付出200倍努力。之後兩人合唱《我們都是這樣長大的》，而Sammi亦high到走到台邊遞咪給歌迷。
Gigi 在唱出《同班同學》時，當她走向台邊時，險些被自己的裙絆倒，嚇得她馬上睜大雙眼，之後與現場觀眾影大合照時，Gigi又差點因踩錯位而跌倒。在唱完出道歌《愛自己》後，一眾Fans高舉手幅大叫encore，而Gigi亦兩度重回舞台，不過在Encore已換上波鞋的她笑說：「最唔捨得走嘅其實係我！」在唱出《高妹正傳》後為演唱會劃上完美句號。
Gigi完騷後接受訪問時被讚身材fit爆，現時55公斤的她表示為了這個騷瘦了6公斤，自己在兩個月前便進行身材管理，更笑指現時的體重已回到結婚的時候，之後她又自爆落台時被女兒投訴：「阿女問我點解多謝Daddy冇多謝佢，我話家人已經包括佢，我成個月無接佢放學都有少少內疚，佢呷醋都正常，我聽日會補番數。」問到可會開part 2？Gigi雖然指暫沒有計劃，但她亦表示很想再唱：「今次成個演唱會過程，我見到自己嘅付出係有回報，幾辛苦都值得，正如我老公所講，唔好理結果點，相信個過程，只要盡咗最大努力，就對得住自己；我自己都好滿意，當然仲有進步嘅空間。」
【點擊睇梁詠琪演唱會睇騷嘉賓】：
至於在演唱會途中險些仆倒，Gigi坦言也被嚇一跳，幸好最後有驚無險：「我喺斜路行落嚟同Sammi唱歌，都幾牙煙，我都要慢慢碎步咁行，最緊要安全，所有台前幕後都安全。」MIRROR成員呂爵安（Edan）今次是自去年7月後，首次重踏紅館舞台，Gigi表示是親自邀請對方：「我一直好想同冇合作過嘅人合作，所以即刻諗起Edan，我一直有同佢保持聯絡，我都冇諗過呢個問題（重踏紅館），佢都好好，一口答應咗我。」
【其他文章】：
「最美千金」何超欣顏值越來越高 出席世界首腦會議盡顯何家地位
60年代影星金漢凌波激罕露面！追求健康生活唔似年過80 移民多年曾揚言因一事不再回港
45歲任港秀近況曝光 拍三級片裸露演出做艷星 疑涉向富商「送外賣」毀前途
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應