關禮傑入行經歷起跌全因演技差 突變大茄一度想放棄做演員

現年61歲的關禮傑日前與高雄接受楊紹鴻主持的港台節目《一起走過的歲月》訪問，關禮傑大談入行多年遇到的辛酸，經歷起起跌跌，他讀完訓練班後原打算給自己兩年時間，因初出道時好多機會，一出來就演出劇集《萬水千山總是情》，但因表現不算好，又變回「茄哩啡」，當時的心態是要不斷學習，更一度想過放棄。

【點擊睇關禮傑入行辛酸】：

關禮傑出身於1981年無綫電視第11期藝員訓練班，至今入行超過41年。

2016年，關禮傑參演TVB劇《來自喵喵星的妳》。

2018年，關禮傑（右）參演TVB劇《是咁的，法官閣下》。

2020年，關禮傑參演TVB劇《機場特警》。

關禮傑曾演出勵志電影《熱血合唱團》。

已「登六」的關禮傑身形仍很Fit！

關禮傑育有兩個女兒。

關禮傑與太太梁安娜（右）育有兩女關楓馨（中）和關楓盈。

關禮傑一家好溫馨。

關楓馨與爸爸關禮傑合影的童年照。

關楓馨細細個已眼仔睩睩。

關禮傑同大女關楓馨（左）父女情深。

大女關楓馨參加《2021香港小姐競選》入行，當年還殺入五強。

大女關楓馨（左）入行後，曾與爸爸於幕前合作。

關禮傑日前跟家人一起慶祝61歲生日。

關禮傑已經61歲，Keep得好好。 ​

關禮傑（中）日前與高雄接受楊紹鴻的節目《一起走過的歲月》訪問。

關禮傑讀完訓練班，即獲機會演出《萬水千山總是情》的要角。

關禮傑坦言因為唔識做戲，最終做回「茄哩啡」，更曾諗過放棄。 ​

關禮傑在完約前再獲機會，拍攝《新紮師兄》成功打開知名度。

關禮傑因為「好姐」一角，開竅投入角色。

 

關禮傑於1981年投考TVB第11期藝員訓練班，同學有梁朝偉、周星馳、吳鎮宇及歐陽震華等，他說：「一開始好似好有機會，我喺訓練班嚟就演《萬水千山總是情》，有角色好似好威水，因為喺尾嗰幾集，一個重要角色，個個都以為訓練班出嚟，呢個係好嘢嚟，點知一出嚟唔得，（因為壓力大？）直情唔識表演，咩叫投入呀，呢樣嘢唔識。」當時畢業所簽的合約較短，基本是兩年死約，一年生約，他就給自己兩年時間，如唔得就轉行：「臨尾好好彩，有一部《新紮師兄》，有啲知名度，公司再要番我。」當年在劇中飾演喬志豪一角，因設定生性怕事，故被同學稱呼做「好姐」，他說:「呢套劇紅到點呢，香港有好多嘅警察，都係睇呢部戲先去考警察。」

楊紹鴻問到是否拍《新紮師兄》才開竅？關禮傑說：「開咗少少，因為開始投入，開始識喊，知道喺劇本入面可以流眼淚，感覺到投入演戲，跟住再深入啲，創立角色又係另一樣嘢。」他表示當時拍喊戲沒有靠眼藥水：「真喊，訓練班有學過，我哋要對住塊鏡，但戲入面又係另一個世界，要聽對白，用人哋對白感動自己，自己對白感動到人哋，嗰種先係真正投入。」他坦言最重要是拍檔，而自己則在拍攝前下功夫。

關禮傑的28歲女兒關楓馨是2021年落選港姐，身為父親的他，已叮囑女兒如要在這行發展，最重要是有好的心態及心理質素，仲要吃得苦。關禮傑被問到有何秘技傳給女兒時，自言：「做番自己先，由自己開始去發掘其他角色。」

【其他文章】：

樂基兒大晒事業線低調現身香港 42歲蘋果肌飽滿狀態極好

85歲余慕蓮最新近況曝光！悉心打扮食九大簋 對鏡影相精靈擺Pose

江嘉敏月花3萬租風水樓！逼夾客廳彈琴做運動坐窗台睇書 用盡會所設施唔蝕得

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ