Uncle Ray生前指定要安排公祭 契仔Andy感激杜麗莎越洋唱歌舒緩痛楚

有「樂壇教父」之稱的 Uncle Ray（Ray Cordeiro）於 1 月 13 日與世長辭，享年98歲。Uncle Ray的喪禮將於下周四（23日）在香港殯儀館舉行，下午4時公祭，晚上7時為業界及親友致祭時段，追思會將安排在晚上8點半至9點，翌日早上會在聖若瑟堂舉行喪禮及安息彌撒，彌撒後靈柩隨即移送哥連臣角火葬場火化。其契仔兼助手周舜河（Andy）日前接受車淑梅主持的港台節目《舊日的足跡》訪問，談到Uncle Ray的喪禮安排，他表示正努力和治喪委員會一起辦好 ，同時更透露 Uncle Ray 指定要安排公祭，因為自己在香港多年，是公眾人物，故喪禮要有部份時間留給公眾，Andy亦公開感謝杜麗莎，以及自己與 Uncle Ray相處多年的軼事。

【相關文章】：

Uncle Ray逝世｜ 2月23日辦喪禮設公祭  由鄭東漢擔任治喪委員會主席

【點擊睇Uncle Ray相片懷緬】：

Uncle Ray在今年1月13日離世，享年98歲。

今年月初車淑梅曾經到醫院探望。

Uncle Ray在香港電台工作多年，與同事相處融洽。

Uncle Ray在娛樂圈的地位德高望重！

Uncle Ray去年年初不幸患上「缺血性中風」，幸契仔Andy及時發現，急送醫院救回一命。

Uncle Ray在1960年加入香港電台英文台。

Uncle Ray(左)在2012年特別前往Elton John(右)的表演場地探班。

Uncle Ray曾經訪問國際樂壇巨星Tony Bennett。

1964年，英國EMI唱片部經理Stan Stern（圖左一）為Uncle Ray穿針引線，安排與The Beatles做專訪。

有「樂壇教父」之稱的Uncle Ray縱橫香港廣播界逾70年，多年來在電台節目以音樂慰藉人心。

Uncle Ray第一份工作是加入麗的呼聲出任撰稿員，此照片攝於麗的呼聲錄音室。

Uncle Ray多年來扶助過本地歌手及組合。

近年開啟IG的許冠傑不時就會分享自己真正的年青時候相片。

許冠傑表示，Uncle Ray 是他一生的摰友及老師。

對他的離開感到十分哀痛 。

Uncle Ray於1980年告別公務員生涯，許冠傑和區瑞強於《60年代音樂會》代表港台致送紀念品予Uncle Ray。

Uncle Ray是健力士世界紀錄最長壽的DJ。

2008年獲香港特區政府頒發銅紫荊星章。

TVB在2021年為Uncle Ray舉辦的榮休節目。

Uncle Ray是健力士世界紀錄最長壽的DJ。

對後輩照顧有加！

與林子祥份屬好友！

Uncle Ray在娛樂圈的地位德高望重！

區瑞強是Uncle Ray的契仔。

鄭東漢年輕時曾與Uncle Ray夾Band，因此鄭中基自小已經認識Uncle Ray。

杜麗莎知道Uncle Ray 留醫，也知道 Uncle Ray喜歡聽她唱歌，雖然人在外地，也每隔幾天錄一些歌給 Uncle 聽。

Uncle Ray喜歡聽杜麗莎唱歌。

Uncle Ray的喪禮將於下周四（23日）在香港殯儀館舉行。

契仔兼助手周舜河（Andy）多年來對Uncle Ray照顧得無微不至。

Andy表示公祭是Uncle Ray 指定要安排。

Andy表示和 Uncle是人夾人緣。

Uncle Ray的骨灰將會安放在家中。

 

Andy表示Uncle Ray在去年年底身體出現不適，當時很多好友到醫院探望，病房猶如一個主題樂園，他想特別向一個人道謝，此人正是杜麗莎，原來當時她知道Uncle Ray 留醫，也知道 Uncle Ray喜歡聽她唱歌，雖然人在外地，也每隔幾天錄一些歌給 Uncle 聽。最後那個早上，她知道 Uncle Ray情況不妙，一個小時錄了 5、 6 首歌傳送過來：「喺1月13號凌晨 4 時，Uncle Ray第一次要求打止痛針，之後就冇醒過。直至朝早9點左右，我播杜麗莎嘅《Dream a little dream of me》，Uncle Ray醒咗，飲咗奶仲食咗半個芒果，中午肥媽到同甥孫女都嚟咗，我趕返屋企煲湯，因為唔知道可以再煲幾多次。點知返到屋企即刻收到電話要我返去，嗰日落住大雨，我提醒自己唔可以急、唔好亂、唔好快、唔要撞，去到醫院我衝上樓，嗰陣佢嘅指數已經跌到零，我同佢單獨傾咗 10至15分鐘，跟住其他人就入嚟，我回頭望，發現Uncle Ray眼角流咗一滴眼淚。」

他憶述 Uncle Ray 於去年 11 月 30 日清晨，曾告知自己在夢中看見爸媽要求一起共晉早餐：「佢冇去同家人團聚，佢話因為唔捨得我……其實 Uncle 選擇火化後，骨灰唔安放喺跑馬地一家團聚，佢要放喺屋企，我當然歡迎，呢個係佢嘅心意。其實『回家』並唔長久，層樓遲早會拆，我都會死，但我會請善後嘅人將我哋一齊放進大海，乾手淨腳，呢個佢係知道同埋同意。」

Andy 和 Uncle Ray 的緣份始自 1985 年，當時Andy 只有10多歲，在佐敦一間唱片店對面的時裝店任兼職售貨員：「Uncle Ray成日去唱片舖，第一次見面我唔佢，嗰陣我只係睇劇集《清宮殘夢》、《書劍恩仇錄》，聽顧家煇嘅作品。佢好搞笑咁自我介紹叫 Jimmy，到第二次見面，佢話我知佢係唱片騎師，我半信半疑，慢慢我哋由普通朋友變咗做佢嘅契仔同和助手。」

Andy 當年是電訊公司的 CEO，為了照顧 Uncle Ray，他決定在40歲退休，談到箇中原因，他說：「喺2006 年嘅冬天，我忘記咗拎文件返公司開會，於是下晝揸車返屋企拎，返到去發覺 Uncle着得好單薄喺間房度瞓覺，嗰陣佢打開咗門，開咗冷氣但係冇冚被，我留意到佢真係老咗，嗰陣佢已經 82 歲，仲係好活躍，但係開始成日覺得頭暈，初時我只係諗退休陪佢幾年再作打算，點知誰知一退就退咗16 年。」

Uncle Ray在2021年宣佈退休，他在5月14日主持完節目《All The Way with Ray》後隨即榮休，為其逾 70 載廣播生涯畫上圓滿的句號，Andy表示當時Uncle Ray的心情很平靜：「佢係一個灑脫嘅人，退休後都做咗好多嘢，佢係香港最幸福嘅人之一，96 歲退休之後，仲有時間出版中英文自傳，舉行榮休演唱會、97 歲生日會和一個 Thank You Party，我喺佢身上學會了凡事處之泰然。佢為人積極，最大優點係敬業樂業。正如佢喺自傳所言『I do what I love and love what I do』。如果要送一首歌畀Uncle Ray，我會揀《Yesterday once more》， Let's do it again！」

【其他文章】：

李泳豪「表弟妹」合照揭秘密親戚關係 叫黃宇詩做表姨 仲有位20億身家姨丈

江嘉敏月花3萬租風水樓！逼夾客廳彈琴做運動坐窗台睇書 用盡會所設施唔蝕得

盤點娛圈初中高級炫富女星  李嘉欣成櫃首飾未算誇  有人名牌包包砌牆最經典

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ