前亞姐筱靖結婚金器掛滿全身！巨型流星錘龍鳳鈪最誇張 出身飲食世家嫁商人門當戶對
2023-02-17 18:00 
前亞姐筱靖在2021年拍拖4年圈外男友梁肇峻(Walter)於生日派對上拎出兩卡鑽戒跪地求婚，不過因為疫情關係，而有舉行婚禮，她曾表示等疫情穩定，身在加拿大的父母來港才會舉行。今日（17日）筱靖與Walter終於可以舉行婚禮！婚禮在尖沙咀一酒店進行，兩人在律師監禮下正式成婚！早上接新娘儀式，新娘筱靖穿著中式裙褂，除了戴上巨型金豬牌頸鏈外，頸上還掛上一條穿有4對龍鳳鈪的紅繩、玉器及金鍊外，手上一對巨型流星錘龍鳳鈪勁吸睛，貴氣十足！
【點擊睇筱靖滿身金器結婚相】：
筱靖本身出身於飲食世家，丈夫Walter原來從事水產食品業生意：「我先生一直支持我經營飲食及美容生意。我哋有過唔少經歷，喺我感到攰嘅時候，佢一直好鼓勵同支持我。」她又大讚老公的人品非常好：「佢仲非常明白我嘅心意，好識懂得氹我同愛錫我，我嘅屋企人同朋友都讚佢係100分好老公，所以我今天嫁畀Walter亦非常滿足及幸褔，希望佢一直都要愛錫我！」
筱靖又稱從小到大很期待自己的婚禮，亦希望家人及最好的朋友們能夠到場見證幸福時刻：「先前因為疫情，加上家人同長輩喺外地，所以未有舉行婚禮，而家疫情減退，我哋決定邀請家人返港，舉行一場完美嘅婚禮係我嘅心願。」
Walter當然表示太太是他的「夢中情人」及「人生女神」：「Manecy性格爽直開朗，為人坦率光明，第一眼見到佢，已經認定佢係我嘅『夢中情人』，一定要娶做老婆。今天我真係夢想成真，係天下間最幸福的男人！」至於婚後會否積極「造人」，兩人均表示一切順其自然，因為小生命是上天賜給他們最好的禮物，一定會在最適當的時候降臨。
【其他文章】：
67歲首屆港姐冠軍孫泳恩近照曝光！面上佈滿歲月痕跡但氣質依然 曾擊敗趙雅芝居美多年罕返港
E cup女星直播沖涼性感指數爆燈 數度跌浴巾險走光直認好怕醜
81年港姐狄寶娜摩亞「登六」冇走樣 同賈思樂情侶變知己 移民溫哥華過闊太生活
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應