獨家丨王嘉慧大膽自薦同佘詩曼拍劇　開心有人認得唔敢做「東張女神」

「東張女神」王嘉慧（Cathy）2021年參選港姐成為最後5強，落選後正式入行，去年作為新人已有不少演出機會，除了拍住梁思浩主持靈探節目《通靈之王》，又有機會成為《東張西望》外景主持，因而被封為「東張女神」。對於新一年， Cathy都希望keep住有不少演出機會，最恨就是跟偶像佘詩曼同場演戲。採訪：杜杜 服裝：中藝天工閣旗袍 場地：中藝灣仔旗艦店及中藝畫廊

本身是學霸的Cathy，更寫得一手好書法，手上的揮春正是出自她手筆。

新一年Cathy希望大家都能身體健康。

桃花代表人緣，Cathy當然希望這年觀眾會愈來愈鍾意她。

Cathy開心過一年有不少演出機會，亦令她開始被觀眾認識，「啱啱選完嗰年已經有工作，冇諗過《通靈之王》出街後會有咁大迴響，有次去買衫個sales姐姐問我係咪《通靈之王》其中一個女仔，冇諗過會有人認得出我，第一次真係幾開心入到屋，多啲人認識到我，慶幸之後再加入《東張西望》，每日都可以見到大家，第一年嚟講係幾意想不到。」

Cathy在《愛‧回家之開心速遞》飾演「Gina」一角。

Cathy拍住梁思浩主持《通靈之王》，令她成功入屋。

做開主持勝任扮記者

對於去年《東張》女主持收恐嚇訊息，揚言先姦後斬，Cathy承認當時確實好驚，但事過境遷，更有種因禍得福感覺，「新聞出咗後有好多人關心我，有種好被關愛嘅感覺，同埋節目都係為伸張正義幫到更多人，唔應該因為咁嘅事就退縮。」至於被封「東張女神」，她坦承不敢當，「始終我喺《東張》資歷尚淺，我唔話女唔女神，我都係想做主持工作，希望大家留意我哋嘅衣着外表之餘，留意返我哋主持工作都有keep住進步啦！」

Cathy樣靚身材正兼有高學歷，完全夠晒資格做女神。

講到新一年願望，Cathy除了主持工作外，還希望有更多拍劇工作，而最渴望可以跟偶像佘詩曼合作，「其實我有好多前輩都想合作，好似選港姐時都講過，其中一個係佘詩曼前輩，真係好鍾意睇佢演戲。」原來她亦收到風阿佘會返TVB拍劇《新聞女王》，更趁機自薦，「唔好話合作，有機會可以睇到佢演戲，都係件好榮幸好開心嘅事，其實我都做開主持，扮記者應該可以勝任。」

Cathy做《東張西望》外景主持，最近有機會訪問歌神許冠傑。

Cathy祝大家「心想事成」，自己可順利跟偶像佘詩曼合作。

新網站 www.stheadline.com 已推出