老友開口借20萬應急港男左右為難網民將心比己咁解說......｜Juicy叮

2023-02-12 13:43

有港男因為是否借20萬元給老友應急而心煩，日前特意徵詢網民意見，集思廣益。

樓主發帖指：「識咗十幾年，算Friend（有真心交流），一直會定期食飯，飲酒。Friend有正職公務員穏定收入，但投資股票失利，第一次問我借Hkd 20萬過難關（爭財仔）（唔可以畀老婆知），承諾會分12期付息還款」。樓主續稱，「呢筆錢對我嚟講唔影響生活，但未致於冇咗唔肉痛」。接著列出正反兩邊想法讓網民投票：

●借，十幾年真心朋友買少見少，唔通見死不救
●唔借，講錢傷感情，借得一次有第二次

網民踴躍投票，結果撐「借」的有1188票，「唔借」的有2425票，「唔借」以大比數勝出。

樓主情況及網民回應：

有網民借用廣告口號「借定唔借，還得到先好借」作回應。網圖

樓主列出正反兩邊想法讓網民投票。網上截圖

網民講出自身經歷。網上截圖

網友稱借錢嘅全部當有去無回先」。網上截圖

Edit media 有支持借網民則建議「要寫借條，或者WhatsApp記錄要keep低。網上截圖

網友以自己作例子。網上截圖

撐「借」的有1188票，「唔借」的有2425票。

最直接的網民借用廣告口號「借定唔借，還得到先好借」作回應。另有網民指，「簡單講，公務員去邊度借都實借到，仲要勁平息，除非佢借爆咗。借得畀佢，唔好預咗佢還到」。

至於對方「承諾會分12期付息還款」，網民坦言「債仔嘅承諾就算啦，如果好好兄弟我會借，但預咗收唔返，當救佢，追人還錢只係辛苦咗自己同一定冇朋友做」。

網民指債仔掉頭走得快過閃電俠

有網民講出自身經歷，「我都試過，中學同學玩到大，打過交反過面好多經歷，又係你呢啲case，最後唔係自己借10皮係做擔保人，叫佢自己還畀財仔，有日財仔好聲好氣打電話俾我，話你個friend幾期冇還，我話得啦明天過數畀你，最後爛尾我找咗條尾數！我Whatapp 佢有錢先還俾我啦，十幾年從來冇見過，冇call過我，我老婆話喺灣仔見到佢，掉頭走得快過閃電俠！」。

另有網友作出忠告，指「咁我以借咗朋友錢嘅我嚟做例子，我同個真心好嘅知己講話股票輸好多，朋友知我嘅情況就借咗畀我，我跟住還番，做知己真係唔駛講咩，真正老友係唔會介意爭人錢，但前提真係要好相信大家，而且係預冇咗筆錢嘅準備」。

反對借錢的的網民均似滿腹經驗：

●「借錢嘅全部當有去無回先，如果樓主你覺得個金額OK，無其他壓力咪借囉，如果自己都啱啱好，咁當然就不了」。
●「十幾年算得係咩，依個世界講到錢連親人都會出賣」。
●「借唔借係同識幾耐冇關，反而係睇佢借嘅原因同埋本人平時嘅行為去決定」。
●「你預咗收唔返就ok，還到係bonus」。
●「因為唔係講緊借嚟周轉，係佢「投資」（賭）輸咗」。
●「唔借，叫佢去債務重組」。
●「上得嚟問即係唔放心，建議唔好借」。