黃夏蕙戴粗珍珠鏈配襯靚假髮強勢回港 網民留言歡迎：有BB才能生色不少
2023-02-09 23:23 
自稱肖雞，今年只有89歲的黃夏蕙(夏蕙BB)去年8月跟老公潘炳烈移居美國，期間做巡演搵精神寄託，赴美半年嘅BB今晚返港，契仔楊峰及契女徐寶鳳前往機場接機，同行的還有兩位坐住輪椅嘅罕見疾病小朋友。夏蕙BB雖然坐完長途機，但精神奕奕，仲特地化返個濃妝，戴返串粗粒珍珠頸鏈襯晒個靚靚假髮，衣著執到正。黃夏蕙出閘後未見疲態，她反而興奮得係咁同人揮手，開心到連口罩都跌咗一半落嚟。網民紛紛留言話好掛住及愛她，歡迎她回港，指她在港才會生色不少！更叮囑她先要好好休息。
經理人Simon Lee已經安排夏蕙BB於2月中，以特別嘉賓身份出席「飛越平淡」活動，與主持人Philip Chan一齊探訪罕見疾病兒童，送上關愛。另她日前在社交平台預告會返港3個月，更形容等待係一種折磨，同時係一個期待。因為未趕及在港過農曆新年，今年只好改往美國三藩市赤松黃大仙廟上香，為港人祈福。
《星島頭條》APP經已推出最新版本，請立即更新，瀏覽更精彩內容：http://www.stheadline.com/
最新回應