給十九歲的我｜張婉婷遭「前PA」千字文爆刻薄內幕 貼錢做阿四慘過撈亞視

由張婉婷執導的紀錄片《給十九歲的我》因片中其中多名主角向雜誌以萬字文大控訴，指校方及導演張婉婷未有理會學生反對，堅決讓電影公映，引起網民熱烈討論，結果電影上映4日宣佈下架，直至釐清所有法律問題後，再作下一步安排。連日來事件依然成為城中熱話。今日有一個叫Billy的網民出PO，撰寫一篇「我做張婉婷PA的日子」的千字文，大爆當年與張婉婷合作的辛酸史：「工作半年，兩個project嘅PA，冇固定工時，24小時on call，收到嘅係一張$5000嘅支票。仆你個街原來當年亞視出咁高人工請我，仲要畀你大導演恥笑！」日前他更轉發阿聆的報道，聲稱自己作為「當年參加咗呢個project幾個月嘅一個PA仔，呢個project開頭的確冇講過要做公映」，接着他又說：「我都想問問英華女校同張婉婷導演，有冇做好保障學生權益嘅本分。希望幾位女同學要好好保障自己嘅權益。我覺得妳哋係畀人呃咗。對唔住當年冇做好一個成年人應有嘅責任去保護妳哋。」

【相關閱讀】：

給十九歲的我｜張婉婷自認做得唔足夠 對阿聆公開道歉：希望仲記得我哋呢10年嘅情誼

【點擊睇《給十九歲的我》和電影節project的相片】：

《給十九歲的我》為英華女學校的紀錄片，紀錄6個女校生的成長故事。

曾現身片中的一名女生阿聆向傳媒指，曾再三向導演張婉婷、英華女學校表明不同意作任何形式的公映，感到學生意願不被重視。

電影去年底已開始上映優先場，一票難求。

於片中曾經短暫登場的「牛下女車神」、場地單車賽兩屆奧運銅牌得主李慧詩，今日（5日）亦在社交網開火，指從未答應在一部商業性質的紀錄片出鏡，形容自己都是「被通知」成為電影的一部分：「這部電影，我不會看，亦不鼓勵你看。」

電影本月2日上映，上月底曾返回英華女學校舉行誓師大會。

片中其中幾位女生亦有現身。

六名女主角之一的江冰瀅（片中稱為「香港小姐」）於社交媒體發文。

已故名導男友羅啟銳生前為張婉婷新作《給十九歲的我》任顧問。

今日有一個叫Billy的網民出PO，撰寫一篇「我做張婉婷PA的日子」的千字文，力數當年與張婉婷合作的不快事！

有回覆網民留言。

有回覆網民留言。

Billy文中到的電影節project。

有網民指這電影節project，原來是2013台北電影節《美好2013》。

Billy日前曾出po表示呢個project最初的確沒有講過要做公映，他直言：「對唔住當年冇做好一個成年人應有嘅責任去保護你哋。」

Billy在文中表示他已經沒有在香港生活，因工作繁忙一直未有看《給十九歲的我》，直到片中的女仔開始發聲，才知道原來她們正是10年前張導演叫她照顧的一班女仔：「如果冇記錯，連印佢哋份『賣身契』嘅printer都好似係由我親手買。我諗我都應該係第一個跟呢個project嘅PA，但見張導唔知幾時已經unfriend咗facebook，相信credit都唔會有我個名。以下講嘅都係十年前嘅往事，先自聲明，記錯唔出奇。」當時Billy本來獲張婉婷的邀請為其新製作做PA，不過未有返工日子前，Billy就入了永恆亞視做PA，直到收到張婉婷的通知才辭工。

Billy表示一次開會係喺跑馬地木球會附近一間酒店的lounge，現場有張導、羅導、製片和一個叫阿仔的副導演：「自我介紹講到我喺亞視做PA一個月得8000蚊人工，張導仲講笑話我做乜行差踏錯入左亞視，咁低人工。第一個會都係講下電影節畀咗個budget張導去拍一條短片。」但budget有限，副導演又自稱在電影圈有不少人脈，有信心可以拍到好多膊頭：「仲話識有個朋友個富二代舅仔好想做電影，搵嚟幫手應該唔洗點出錢。簡簡單單嘅交換咗大家嘅電話後，就散咗會。就係咁，我呢個冇簽約冇傾過薪酬待遇嘅電影之旅正式開始左。」不過有趣的事隨即發生，原來副導口中所講的「富二代舅仔」，正正Billy本人。

其後Billy又稱張婉婷叫他一起到英華傾《給》的計劃：「當時都只係講想拍條片記錄學校暫別原本半山校園嘅幾年，雖然有啲位聽落唔係好正常，例如跟住幾個同學幾年咁拍攝，但當時有一邊係學校，另一邊係大導演，都真係冇諗過原來真係會咁癲。詳細嘅，各位女同學都已經講過，亦知得比我多，我就唔多講了。」與此同時，他亦要參與電影節的project：「呢個時期我每星期都係自己帶錢返工幫條crew買飯買文具，再一兩星期就claim返錢，都相安無事，不過就冇收入咁。」後期有場戲是包起中環一個臨時迴旋木馬拍攝，張導話希望可以找30-50個臨記，結果Billy找來大學的朋友： 「原本拍攝都唔係計劃要好長時間，但結果係嚴重超時，幾十個畀我搵嚟嘅朋友，就係咁畀人賣咗豬仔拍咗成晚通宵，冇收錢，仲要比人X！」Billy直言「呢世人最對唔住朋友都真係呢一次」！

Billy續說：「慶功宴上張導比咗張支票我。工作半年，兩個project嘅PA，冇固定工時，24小時on call，收到嘅係一張$5000嘅支票。X你個街原來當年亞視出咁高人工請我，仲要畀你大導演恥笑。」而他一直未能claim的6000多元欠款，幾經追討下，終於成功向羅啟銳追回，最後Billy說：「之後都冇再聯絡過羅導同張導。唯一係好多年後有一次，喺一個電影頒獎禮上見返張導。佢同我講咗句『你喺得呢到出現，而家都撈得好掂啦』。當日冇講出口嘅一句係：『富二代港大師弟喎，識光合作用㗎嘛。黑社會都唔驚呀。唔係咩呀？』」

【其他閱讀】：

程可為堅拒結婚唔覺係一種幸福 拒認係富婆：如果係就唔使喺TVB捱

鍾麗緹細女13歲生日變混血小美人 成長照曝光稚氣變貴氣現驚人變化

璀璨帝國丨港產名媛梁伊妮曾家道中落 靠實力躋身上流40歲擁4千萬身家

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ