給十九歲的我｜「香港小姐」爆簽同意書被誤導：攝製隊稱所有人同意公映我才簽名

由張婉婷執導的紀錄片《給十九歲的我》因片中其中多名主角向雜誌以萬字文大控訴，指校方及導演張婉婷未有理會學生反對，堅決讓電影公映，引起網民熱烈討論，今日（6日）再有新進展，六名女主角之一的江冰瀅（片中稱為「香港小姐」）於社交媒體發文表示，雖然電影上映前曾簽署同意書，但當時拍攝團隊曾意指「所有人已經簽咗名，剩係得我未簽」，結果她表示：「所以我冇諗過背後有咁多嘢嘅情況之下，我就將呢一個同意書簽咗。佢哋完全冇同我交代成個事情嘅來龍去脈，所以我一直以為呢一套電影全部都係好評同埋一切都好順利。我當時就抱著一種心態，就係話既然係一個咁有意義嘅電影啦，公開自己小小嘅黑歷史都唔係話唔可以接受嘅。」

【點擊睇江冰瀅近況】：

《給十九歲的我》為英華女學校的紀錄片，紀錄6個女校生的成長故事。

張婉婷為母校英華女學校拍攝的紀錄片《給十九歲的我》近日惹起爭議。

曾現身片中的一名女生阿聆向傳媒指，曾再三向導演張婉婷、英華女學校表明不同意作任何形式的公映，感到學生意願不被重視。

電影去年底已開始上映優先場，一票難求。

於片中曾經短暫登場的「牛下女車神」、場地單車賽兩屆奧運銅牌得主李慧詩，今日（5日）亦在社交網開火，指從未答應在一部商業性質的紀錄片出鏡，形容自己都是「被通知」成為電影的一部分：「這部電影，我不會看，亦不鼓勵你看。」

去年《給十九歲的我》曾參加香港國際電影節。

電影本月2日上映，上月底曾返回英華女學校舉行誓師大會。

電影本月2日上映，上月底曾返回英華女學校舉行誓師大會。

片中其中幾位女生亦有現身。

電影本月2日上映，上月底曾返回英華女學校舉行誓師大會。

六名女主角之一的江冰瀅（片中稱為「香港小姐」）於社交媒體發文。

Kate力撐阿聆。

網民對她的故事最讚賞！

Kate近年生活很好。

這部電影她曾經看過兩次！

江冰瀅又說：「我個人係比較Peace and Love嘅主義，而且我嗰陣時決定將我自己個部份放出嚟，係因為當時我嘅初衷就係希望所有父母可以更加關心青少年嘅心理狀態，嗰個年紀嘅我哋係最需要身邊嘅人支持同埋陪伴。我個人睇咗呢一套電影兩次，最大嘅感想就係覺得時間過得好快，而且每個人都係自己擅長嘅領域做自己鍾意做嘅嘢。其實都好替所有人開心。」

因為江冰瀅於中學時期已離港生活，所以她留言稱未感受到電影上映後對其有何影響，但既然另一名女主角阿聆反對上映：「阿聆嘅佢一開始就反對呢一套電影上映，並且呢一套電影帶俾佢咁大嘅影響，導演組同埋校方就唔應該將呢一套電影上映。畢竟人生存係呢個世界上就係希望自己開心，唔應該將自己嘅快樂建立係人哋嘅痛苦身上。換過角度嚟睇，最主要係我自己嗰一部份，除咗可能參選港姐有啲尷尬來講，其他地方都可以接受。但係如果換阿聆同阿余既角度來講，係非常可以理解，因為佢牽涉咗好多你自己私人生活同埋好多私隱，你冇辦法控制觀眾睇到你嘅時候，會對你呢啲個人產生乜嘢感受同埋評價，你亦都冇辦法可以做到坐視不理，最後希望所有嘅參與者可以喺未來嘅日子當中發光發熱，永遠開心快樂。」

江冰瀅是電影中少女家庭環境最為複雜的，她來自破碎家庭，她爸媽離婚後又先後再婚，欠缺家庭溫暖，夢想長大後選香港小姐，綽號叫「香港小姐」。她一度在港思念遠方母親，不少觀眾也對香港小姐的遭遇落淚。「香港小姐」拍攝中途遠赴美國與母親團聚生活，拍攝也從此中斷，雖然電影中沒有明說，但張婉婷也透露「香港小姐」出國後也有很徬徨的時刻。長大後的她再次受邀拍攝，已長得亭亭玉立，生活充實、成績優異，網民也大感安慰！

而網民對「香港小姐」的評價很：「香港小姐承受嘅，對於一個中學生而言真係好痛苦——被親戚當人球，婆婆湊幾個月、公公湊幾個月，舅父冷待佢，自己買飯盒返去食，到之後留班，老豆同繼母唔妥佢，老豆遷怒於佢，到最後決心去美國，唔係佢真係想去美國，係因為只有美國嘅媽媽先係佢唯一可以愛同寄託嘅人，到最後佢係美國讀到書 gpa爆4， 同媽媽團到聚，都係佢撐返嚟，好佩服佢！ 」

【其他文章】：

孫慧雪陀B網民憂《愛．回家》會下車 編劇上身「派帽」畀歐瑞偉經手

給十九歲的我丨張婉婷曾稱為拍攝百年母校重建 活現六位家境各異師妹10年來成長故事

林心如罕動怒發文！6歲女正面照流出引討論 網民嘆霍建華基因強大

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ