林作自爆日日留體力晚上向裕美奉獻 結果又被女友寸「只得一分鐘」
2023-02-03 17:25 
裕美與林作今日在位於中半山豪宅為HOY TV拍攝節目《有種老闆娘2》，裕美笑指因林作不會養她，故要自力更生，所以便開始做主意：「佢希望我養埋佢，所以我冇辦法唔好好畀心機，因為我要養好多人。」在旁的林作則表示夢想是食軟飯，現時做到所以好開心。
【點擊睇裕美與林作今日拍攝情況】：
現時主力做網上生意的裕美指最初是經營林作的二手名牌店，不過林作對向她潑冷水指很多人也在做，並謂當初在沒資金的情況下也找人一起合作，問到現時亦有做珠寶生意的裕美是否試過被人呃，她說：「冇，我強項係睇人，我覺得嗰個人係老實唔係蠱惑，合作係公平都會嘗試合作，喺娛樂圈好多年，我學到嘅嘢係睇人，所以阿作都叫我幫手睇。」問她揀男友是否也有眼光，裕美就笑指是林作選擇她，自己只是被迫接受，林作即說：「我係正直！」裕美聽後保充說：「但口臭，個人係幾好。好似睇人咁，口臭講粗口通常嗰啲都係好人，扮好人嗰啲通常都好蠱惑，我以前做娛樂圈都信錯過好多人，所以我而家累積左睇人嘅能力。」問林作是否站在一邊等收錢？他即承認說：「咁先叻，作為男人嘅偶像。」又謂自己平日最多做的就是斟茶遞水，以及在晚上奉獻體力，不過就被裕美狂寸只有一分鐘，而且更攰到手震，林作即話：「台上兩分鐘，台下十年功。」然後又比裕美寸他，說：「即係咁快係練咗好耐！」裕美之後透露有人提議她做性玩具生意，但她認為要做這個生意之前一定要試用，但她對這些就沒有興趣，故有意找林作做測試員：「我覺得呢個市場好大，但我唔係用家所以唔係好知點分享，所以今次我靠你（林作）。」而林作則表示願意配合。
【其他文章】：
75歲葉麗儀激罕露面變銀髮族晒健康膚色 大方分享移民近況 預告今年返港開騷
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應