何文田健身中心5個月內遭4度淋紅油 天眼拍下歹徒犯案過程

何文田梭椏道11a地下一間健身中心，繼去年8月被人兩度淋紅油後，事隔5個月，本周四（26日）及今日(28日)又先後被淋紅油。健身中心外的cctv拍下歹徒淋油實況，顯示今日凌晨零時許，一名男子手持一桶紅油行至健身中心外，向玻璃櫥窗及招牌燈箱淋潑，地面遺下大灘紅油漬。直至今晨健身中心教練返回開舖時發現事件，報警求助。

前日被淋紅油 今日凌晨再遭殃  每次均有報警 

前日(26日)一名男子走到健身中心外淋潑紅油。cctv截圖

男子凌空飛掟兩個載有紅油的膠桶。cctv截圖

紅油滿地。cctv截圖

今日(28日)凌晨另一名男子手持一桶紅油撥向健身中心大閘。cctv截圖

今日(28日)凌晨另一名男子手持一桶紅油撥向健身中心大閘。cctv截圖

地面留下大片紅油漬。cctv截圖

去年亦有一名白衣男到健身中心門外淋紅油。cctv截圖

去年亦有一名白衣男到健身中心門外淋紅油。cctv截圖

兇徒淋油後火速逃去。​ cctv截圖 ​

據姓楊健身教練透露，健身中心老闆是他的友人，正在海外旅行，將鎖匙交予他開開及代為打理。楊表示，健身中心開了兩年多，一直做街坊生意，老闆無欠債，無與人結怨，不知被淋油刑毀原因。去年8月先後兩度遭人淋紅油破壞，以為事隔5個月已平息，豈料前日(26日)及今日(28日)又再被破壞，他4次均到紅磡警署報警。

健身中心的玻璃櫥窗及招牌燈箱被淋潑紅油。楊偉亨攝

健身中心的玻璃櫥窗及招牌燈箱被淋潑紅油。楊偉亨攝

滿地紅油漬。楊偉亨攝

招牌燈箱亦淋上紅油。楊偉亨攝

有關健身中心開設兩年多。楊偉亨攝

「唔知咩原因，無非想令街坊覺得呢度有麻煩，做唔到生意，趕你走，如果有人咁憎你，或者欠錢，都係想要錢，或者打你一身，但依家係冇原因，無非有個目的，真係想趕你走，呢度冇人收陀地，又冇欠債，冇人貼過大字報追債。」

報案人聲稱探員曾表示「你哋識唔識黑社會可以同佢哋傾吓？」 

最令楊感到大惑不解是，前日被淋紅油後，他往紅磡警署報案，竟有探員問他是否有相識的黑社會，「阿Sir話你哋識唔識黑社會可以同佢哋傾吓？ 我同佢講，我哋係正當人家，點會識黑社會呀，如果識得黑社會，就唔會報警，自己都解決到啦，我係黑社會的話，唔需要勞動警方去查，我有自己方法解決啦，但我哋係正當做生意！」

其間該名探員又稱「我哋（警方）咁樣搵唔到、做唔到咩喎！」楊無奈回應：「阿Sir，做唔做到嘢係你哋（警方）攪，唔係我搞，咁我交稅嚟做咩啫？」

 

楊又坦言，他友人打開門做生意，不會硬sell ，服務態度良好，不明歹徒動機。他又指前日發生淋油後，他立即去報案，兇徒竟隔一天又犯案，以為警察會加強巡邏，豈料有人變本加厲。「我哋要做嘅嘢都做晒，我哋都做唔到咩嘢，做唔做到嘢係警察嘅事。」

他說健身中心開設兩年，剛剛續新租約兩個月，他與老闆一直合作愉快，豈料多次被人刑毀，「如果個個都係咁，真係唔使做生意！」　 

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ