老竇恨睇愛女出嫁？　37歲高海寧獲「金牌媒人」加持助脫單

高海寧（高Ling）與蕭正楠昨日（21日）於澳門亮相TVB賀年節目《獎門人開心迎兔年百老匯》，已單身一段日子的高Ling自爆獲心急老竇送桃花幫她催運之餘，更有「金牌媒人」之稱的林盛斌主動介紹筍盤，現年37歲的高Ling也坦言打算結婚生仔了。

【點擊睇高海寧靚相】：

 

高海寧是出名的性感女神。

高海寧平日亦大騷好身材。

高海寧身材真係好好！

高海寧至今仍然是單身。 ​

高海寧同爸爸感情好好。

高海寧與蕭正楠一起到澳門出席TVB賀年節目《獎門人開心迎兔年百老匯》。

雖然內地通關，但高海寧稍後會留港拍新劇，蕭正楠則預告將隨老婆到馬來西亞探親友。

高海寧指爸爸精挑細選了一棵靚桃花送給她，明顯恨睇愛女出嫁。

高海寧指「金牌媒人」林盛斌主動介紹男仔給她。

37歲高海寧開綠燈，叫追求者主動多少少。

對於近期香港開始與內地通關，高Ling表示非常贊成，皆因這令很多分隔兩地的家庭重聚，而自己去南京探婆婆亦方便很多，不需要再經歷「14+14」隔離，問到通關後會否多了機會到內地工作？高Ling表示要看公司安排，不過稍後將會在港拍新劇。

至於新年有否買桃花催運？仍然單身的高Ling謂早前爸爸精挑細選一棵會開花的桃花送給她，追問是否不急著找男友？高Ling說：「其實有啲嘢冇得勉強，佢要嚟嘅時候又擋唔住，睇佢幾時嚟囉。（會唔會嚟咗你唔知？）咁唔該嗰啲嚟嘅人主動多少少，其實真係嚟嘅都唔會抗拒，因為都要結婚生仔。」並謂兩人相處最重要是舒服及能夠好好溝通，她更大爆有林盛斌手機中藏有很多單身男士的照片，亦曾試過主動介紹男仔給她。

 

 【點擊睇蕭正楠激咀江美儀】：

蕭正楠撇甩老婆黃翠如過澳門倒數。

蕭正楠稱已跟家人及老婆黃翠如提早團年。

蕭正楠坦言早前跟伍仲衡、區永權合作開演唱會，激起他的唱歌癮。

蕭正楠稱此行順道為巡唱探路。

問到可有計劃生兔B？蕭正楠表示隨緣喎。

對於農夫新歌歌詞提到想知翠如點解會揀蕭正楠？蕭正楠笑言自己都覺得係「10萬個為甚麼」。

大家都開開心心過新年。

節目中大家仲玩得好激，蕭正楠與江美儀更即場激咀

齋睇相都Feel到江美儀幾「進擊」，搞到蕭正楠都拗晒腰。

蕭正楠談生B大計

此外，年三十晚拋下老婆黃翠如到澳門倒數的蕭正楠，表示要工作所以沒有辦法，自己最初也想叫老婆一起來，可惜已齊人，事前亦有跟家人及老婆提早團年。對於最近農夫的新歌歌詞提到想知道翠如為何最後會揀蕭正楠？他笑道：「呢個係10萬個為甚麼。（你都覺得係為甚麼？）我都係覺得，點解呢？有時有啲嘢冇得解㗎，不過都多謝佢哋去到內地都提住我哋兩夫妻，開心嘅。」

早前他與伍仲衡、區永權一起合作的演唱會順利完成，問到會否勾起歌癮？蕭正楠表示會，會籌備part 2之餘，亦希望可搞巡迴演唱會：「澳門有啲都問緊Part One做多次，其實用咗好多心機，如果真係做一個有啲可惜，而家所有場地都開番晒，呢個場地都可以坐二千人，所以我今日特登嚟探下路先。」蕭正楠表示由搞演唱會及做宣傳已很忙，故新年節目將交給翠如安排，並透露稍後會跟隨老婆到馬來西亞探親友：「有好多都好耐冇見，今次寓工作於娛樂。（有否計劃生兔仔？）隨緣。」

 

【其他文章】：

明星兔年運程·李丞責篇｜袁嘉敏有望閃嫁生兔B 佘詩曼犯太歲反而有運行？

陳凱琳挺巨肚整早餐賣廣告 意外連累鄭嘉穎被批「不合格老公」

莊錠欣驚喜現身TVB搵家姐跳舞拍片 昔日童星被指返娘家拍《愛回家》

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ