回家｜黎諾懿重遊屋邨舊地憶捱窮日子勁感觸絕密靚仔童年照學生相曝光

2023-01-19 20:00

最新兩集TVB節目《回家》分別來黎諾懿及前環境局局長黃錦星。在屯門友愛邨長大的黎諾懿帶同囝囝「小春雞」黎峰睿舊地重遊，二人先走訪與舊居間格相約的屋邨單位，諾懿更在製作組協助下與「小春雞」重溫昔日家居擺設及生活細節，諾㦤透露小時候曾經歷過制水時間，並笑著分享自己的「運水絕技」：「當年我跑落街裝水，由樓下搬上樓可以一滴水都唔瀉。」神奇程度讓「小春雞」聽得瞪大雙眼。二人又拿著諾懿兒時最愛的玩具「父子鬥」，成為兒子手下敗將的諾懿，被逼要吃兒子「落重手」炮製的粗粒花生醬麵包，對粗粒花生醬有極大童年陰影的諾懿更自揭陰影背後爆笑原因。

之後諾懿再帶囝囝走訪小時候經常流連的「辦館」，並指「辦館」是小時候「夢想勝地」，靠著每次盛惠五毛錢的抽啷啷遊戲，為自己送上小希望，諾懿向著囝囝說：「爸爸細個好鍾意抽呢啲（啷啷），因為爸爸細個窮啲，有時用五毫子買個機會，希望抽到大獎。細個就係咁簡單，希望買份小禮物氹自己開心。」談到友愛邨，諾懿坦言最難忘是那份濃濃的鄰里情：「嗰時鄰里之間好有愛，以前啲人唔閂門，一嗌就係『黎太個仔你出嚟玩啦？』，差唔多成棟樓都識晒。大個咗先知道，原來細個覺得好平常嘅嘢，係咁難得咁珍貴。」並謂希望「小春雞」透過是次體驗，能學會分享愛及人與人之間互動的重要性：「我哋盡量都控制唔畀佢玩咁多線上遊戲，因為我哋覺得小朋友要同人接觸。」

相關閱讀：回家｜黎耀祥重返昔日成長屋邨勁感觸：媽媽雖然走咗，但好多老朋友仲健在

【點擊睇黎諾懿絕密童年照】：

黎諾懿同阿仔嘅互動好有愛。

諾懿帶阿仔走訪與舊居間格相約嘅屋邨單位。

仲喺單位入面拎住啲迷你模型，同阿仔慢慢講解番當年嘅生活。

阿仔一聽到當年爸爸運水時可以「滴水不漏」，即時露出驚嘆表情，好可愛。

就算係好簡單嘅玩具，兩父子都玩得好開心，畫面極溫馨。

到底「粗粒花生醬」點解令諾懿咁頭痕呢？

知道爸爸好驚食粗粒花生醬，阿仔仲好古惑咁搽多兩層畀爸爸食，好搞笑。

一個簡單而又便宜嘅抽啷啷遊戲，已經可以為小時候嘅諾懿帶嚟希望。

諾懿細個連學校嘅廁所都可以玩一餐，到底有咩咁好玩？

連結婚都搵唔番嘅童年照，竟然喺今次嘅旅程搵到，難怪諾懿咁開心同感動。

不過佢有一再強調，覺得自己細個係唔靚仔嘅。

諾懿呢位好朋友，大爆諾懿小時候獲好多女同學讚靚仔。

諾懿選擇咗派白糖糕同西米糕回饋街坊，氹得班鄰里街坊好開心。

黃劍星同諾懿一樣好懷念昔日嘅街坊情，佢唔單止記得晒以前左右鄰里嘅姓氏，仲連佢哋性格有咩特色都記得，證明真係好好感情。

另外諾懿還到當年讀書的小學走了一轉，更因製作組悉心安排獲得兩大驚喜。首先諾懿在班房與小學時的好朋友重逢，對方除了為他重建「小學友情網」，更大爆諾懿小時候是「萬人迷」，不少女同學均在背後盛讚他靚仔，令諾懿大感搲頭。另一驚喜是小時候因為搬家近乎遺失了所有童年照的諾懿，因為是次旅程尋回不少昔日珍貴照片；除了為諾懿彌補了結婚時的一大遺憾，更為他達成了一個心願，到底是甚麼？

【其他文章】：

盤點公屋成長藝人！兩巨星屋邨長大曾遭火燒木屋華姐冠軍係黃大仙街坊

毛舜筠激罕晒阿媽合照勁似粵劇名伶連阿女都話：喺機上被人誤會係明星

52歲李蕙敏罕有晒養子正面照童年坎坷被毒打21歲方知自己是養女

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ

關鍵字