周潤發見張家朗唔慣有人高過自己 罕談做人之道：將個身段放落嚟

貴為巨星級人馬的周潤發（發哥）最近應品牌的邀請，與2020年東京奧運金牌得主張家朗進行對談，兩「神」相遇已經有火花，身高185的發哥見到193的張家朗笑，他「岳」高頭對住張家朗笑說：「我好少咁樣望人，『喂！點呀』，好唔慣，竟然有人高過我！」見慣大場面的張家朗都忍不住一臉腼腆！面對猶如小fans般緊張的張家朗，很快被發哥的親和力融化，張家朗一直強調自己不敢相信能見到發哥，發哥搞笑地：「想見到我可以去山上面。」

【點擊睇張家朗周潤發對談精彩片段】： 

67歲周潤發一向熱愛運動。

周潤發是圈中運動大使。

周潤發早前跑步途經一個DSE考場為考生加油打氣，非常親民。

周潤發經常鼓勵圈中人一齊行山。

香港田徑總會亦分享周潤發與選手的大合照。

周潤發照舊做揸機人，零架子與選手們接觸，非常親民。

見到發哥梗係有啲驚。

好快就變咗小fans！

發哥話估唔到自己要「岳」高頭望人！

仲有人高過自己！

張家朗個樣好搞笑！

好興奮！

梗係要自拍喇！

發哥說到第一次見到張家朗時感覺：「我第一時見佢畀我想像中靚仔，又高大啦，溫文有禮啦，如果喺螢幕見佢就有一朝佢打緊金牌個戰，好有型，最難忘呢有一下，過咗身邊仲可以倒劍個下好瀟灑！」

發哥亦大讚即使面對世紀金牌之戰，張家朗的表現依然很冷靜：「由4年前巴西奧運到2021年的東京奧運，佢已經長大，我本來對花劍唔係好熟悉，不過睇完之後，對花劍產生了興趣，想去學！」

提到自己在25歲的生活，發哥說：「嗰陣我拍緊《上海灘》，呢個後生仔已經攞金牌，衝出國際，你話我都有去荷里活拍戲，其實只不過係一個見識同見聞，佢哋係出去打仗，我哋嗰啲好長時間去鋪排，有晒劇本，但係佢一上到場只得15分，壓力係好大，我哋嘅演藝生涯可以好長，但係運動員生涯就好唔同，而且走嘅路程比我哋艱辛好多！」

張家朗在第一次見到發哥就覺得不敢相信：「因為通常睇到嘅時候都係電影度睇，都有睇過好多唔同嘅電影，第一套應該係《賭神》，跟住有翻睇過朋友介紹嘅《英雄本色》、《監獄風雲》啦，好鍾意，你演得好好同舊嘅香港電影自己都好鍾意。」

張家朗一直強調自己不敢相信能見到發哥，發哥笑說：「想見到我可以去山上面。」之後張家朗仲話自己有少少緊張同怕醜，在他的眼中，發哥是一位巨星，亦相當「親民」，點知發哥話：「我都好怕醜，不過見到你就開朗咗好多。」

發哥亦說：「大家都知道我嘅出身，由邊度嚟，當你有咗嘅時候，你嘅出身係唔會搣得甩，始終係嗰度嚟，喺香港好多人都係由基層做起，所以喺香港有一樣係好，就算我去到邊度，個個都對我好好，唔會覺得我係一個演員或者係明星。」

發哥與張家朗分享做人秘笈：「當你喺咁高嘅時候，其實你要將你個身段放番落嚟，所以你個教練話畀你聽，你有脾氣嘅時候就唔好係嗰度發。某程度上你打劍嘅時候，都可以睇番你嘅人生，都係一樣，輸緊嘅時候，唔好發火，當你高嘅時候，撳番自己落嚟，當你低嘅時候，要提番起自己，唔好覺得自己好坎坷，高嘅時候唔好覺得自己好高貴。」

發哥又說：「其實中庸之道係最好，過程之中係你自己個經歷好煉歷，慢慢就會成長。」最後發哥更叫張家朗教授劍撃技術，而自己會教張家朗做戲，笑言「應該幾好玩」！

 

 

【其他文章】：

張致恒賤男情史逐段數！曾自爆性上癮撩女維園打野戰 多次因偷食分手

56歲「晶女郎」關秀媚激罕露面晒逼爆身材 曾捲醉駕風波入獄14日星途盡毀

10位棄演從商女強人！女神花10年做上巿公司CEO 宅男女神搞App年賺逾1,000萬

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ