姜糖爵屎派盆菜買飯券 助清貧長者過溫暖新年｜好人好事

人氣男團MIRROR成員姜濤向來熱心公益，一班姜糖（姜濤粉絲）不時以偶像名義做善事，繼日前有姜糖低調捐出43萬元予基層組織後，再有姜糖大發善心，透過社企餐廳贊助二人新年盆菜予區內清貧長者，另外有爵屎（呂爵安粉絲）亦不遺餘力，一次付款逾4800元購買121張飯票，令長者可以吃到一個溫飽團年飯。

姜濤Edan粉絲派盆菜買飯券 獲社企負責人大讚

社企餐廳膳心小館在社交平台發文表示，早前接獲姜糖聯絡，希望以姜濤名義贊助二人新年盆菜予石硤尾區的清貧長者，希望他們能夠溫飽地迎接兔年。 至昨日（14日）中午，膳心小館聯同社工向區內長者派發二人盆菜、盒裝花膠，姜濤利是封，揮春及年曆。

負責人林先生表示，當日多名姜糖亦有到場幫手派飯，實行親力親為，整個活動大約派發了110個新年盆菜，內有迷你鮑魚、雞、鴨、魚蛋、西蘭花，希望長者取得盆菜後都可以食得開心。他指當日取得盆菜的長者，每人都笑容滿面，「佢哋個個都好開心，真係幫得幾多得幾多，我哋都係想幫呢班無依無靠嘅老人家，希望佢哋大時大節都有餐飽飯」。

膳心小館昨日聯同社工及姜糖向區內長者派發二人盆菜。

一名爵屎今日到石硤尾的膳心小館購買121張飯券，價值約4840元。

他又指今日（15日）下午亦有一名爵屎到石硤尾的膳心小館購買121張飯券，價值約4840元，令他們減輕不少負擔，「仲有一個禮拜年三十，我哋諗住喺深水埗同觀塘派飯，亦都會派埋年糕、關廟麵、應節生果好似碌柚呢啲咁，因為年三十去到年初四，呢度有幾日紅日，可能一班拎開飯嘅長者無得拎，所以我哋都盡量幫，同埋而家經濟環境咁差，班MIRROR fans仲咁幫手，真係雪中送炭」。

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ