餐廳等枱突被人用一句話搶位 食客無奈：「用靈魂霸位？」｜Juicy叮

部分餐廳需要自己搵位，亦容易引起爭執。有食客在網上發文指，日前在餐廳等待座位時，後方有一名男子突然出現，並出於一個原因表明「呢張檯係我嘅」，令樓主大感無奈，並直言「我真係依家先知原來已經進展到可以用靈魂嚟霸位」。

樓主感受及網民回應請點擊組圖瀏覽：

樓主早前與長輩一同到香港迪士尼樂園遊玩。資料圖片

樓主指，當時打算到樂園內的其中一間餐廳用餐，並需要「自己搵位」。示意網圖

有人笑言「佢個area係咪宇宙咁大？」FB截圖

有人認為樓主不應理會對方。FB截圖

有人認為樓主應堅持。FB截圖

有人則分享類似經歷。FB截圖

相關帖文隨即引起網民討論。FB截圖

該名食客日前向facebook專頁「生仔要考牌系列」投稿，提到自己早前與長輩一同到香港迪士尼樂園遊玩，並打算到樂園內的其中一間餐廳用餐。該餐廳需要「自己搵位」，並提到自己已在場等待「幾個字」。樓主指，「直到等緊嗰張檯嘅人起身準備走之時，無啦啦企後面附近檯嘅四眼男走埋嚟：『呢張檯我都係等緊㗎』。樓主聞言後隨即與對方理論，沒想到對方卻回答「我帶住小朋友喺呢個area已經等咗九個字，所以呢張檯係我嘅」。樓主對於對方的回應感到無語，並直言「我真係依家先知原來已經進展到可以用靈魂嚟霸位」，並指同行長輩卻表示「今日嚟玩唔好同人嘈」，因此樓主在無奈之下只能讓出座位。樓主續指，幸好在讓出座位後不消幾分鐘已經再有空座位，但不禁直言「人無恥果然係無敵」。

相關新聞：

Juicy叮｜港爸不滿女子影相打卡疑影到兒子促刪相 一舉動被質疑侵犯私隱：https://bit.ly/3kdWRPV
Juicy叮｜只搭兩站仍要求滿手物品打工仔讓座 港媽：小朋友搭車無位會跌親：https://bit.ly/3kdWSDt
Juicy叮｜港媽遊樂場換尿片致遍地「黃金」 母子無辜誤中冀將心比心：https://bit.ly/3GIWzrO
 

相關帖文隨即引起網民討論，有人笑言「佢個area係咪宇宙咁大」、「『用靈魂嚟霸位」呢句嘢真係好正好到pt，直頭可以納入今年潮語」。部分人則批評涉事男子的行為，並直言「有時唔係唔想同佢耍無賴，只係唔想同呢啲一般見識」、「睬佢都有味，直接坐低啦」等。有人則認為樓主應堅持，並指「你自己唔同人嘈，怪邊個? 畀我唔會讓，話之佢用寃鬼黎排隊。我自己最少唔會氣頂到出post」、「你咁好人，我都會要你個位啦」等。

有人則分享類似經歷，並指「我都試過，好X憎呢啲人。你話你等緊又唔早講，到有位就走嚟話等緊」、「我試過， 我真係試過 ！ 一個阿嬸等幾張枱！話呢幾張枱都係佢等緊！我問佢點解唔帶條帶嚟劃分自己一個人等幾張枱」、「好多男人都好老土（係，係男人）等位好興企一個位但附近全部都係佢等緊，food court見唔少」等。

帖文來源：「生仔要考牌系列」

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ