陳奕迅演唱會突痛哭驚爆怕失聲 入行逾20年首度台上泣不成聲

陳奕迅（Eason）演唱會昨晚（10日）舉行第24場，經過一日休息後，未知Eason是不是受天氣影響，或放鬆後身體倦意開始湧上來，所以中午綵排時，發現聲音出現少許問題，令他突然浮躁，擔心自己會失聲。昨晚到talk位時，Eason對觀眾的歡呼拍掌已經很感動，他鞠躬良久說：「多謝大家包容，你哋係童子軍（日行一善），呢兩日不知天氣定咩，有啲嘢發咗出嚟，我突然好驚，好驚自己會冇聲。」觀眾不停大叫他「加油」或「冇事」，Eason笑道：「你梗係啦你，你都聽完，試下我同你講，今日退飛改期吖！」觀眾再大叫：「唔緊要，改期都等你！」Eason即又開心又感動，「咁你真係好愛我。多謝你哋，今晚俾咗好多力量我。」

到安歌環節，Eason選了近年非常喜歡的一首歌《相信你的人》送給大家。唱畢他首次留下解釋選曲原因指：「呢隻歌係我2019年，為電影《銀河補習班》而唱，鄧超導演帶埋部未完成的電影，飛來香港俾我睇，問我有冇興趣唱隻歌。佢最初想用《單車》改國語版，但係我覺得佢咁有誠意，《單車》亦唔係好適合變國語版，最後我搵咗台灣我好尊重的一位好朋友，陳小霞寫詞，姚若龍作曲，佢哋話放心交俾佢哋，最後這首歌出來，不知係人年紀大易感觸定點，歌詞真係好令人動容，我知大家香港人鐘意廣東歌，但一隻好歌，點解要分語言呢？音樂係世界語言，你可能聽一隻土耳其歌你都會被感動，所以我好想用來送俾大家。」

【點擊睇Eason演唱會】：

張智霖捧場陳奕迅演唱會。

岑寧兒、張進翹捧場陳奕迅演唱會。

甄子丹及太太捧場陳奕迅演唱會。

吳業坤及太太濱口愛子捧場陳奕迅演唱會。

洪卓立及劉沛蘅捧場陳奕迅演唱會。

吳君如一家三口捧場陳奕迅演唱會。

甄子丹捧場陳奕迅演唱會。

《盲婚啞嫁》微電影。

陳奕迅浮躁憂失聲

出道至今舞台下首次感觸落淚

說畢Eason突然感觸到控制不到情緒，二十多年來第一次於台上落下淚，更泣不成聲，暫停了一會，他才抹着淚水道：「二十多年來，我從來都唔會俾呢個樣大家睇嘅……唉，羞家，失禮失禮。我通常剩係帶歡樂同憤怒比大家，哈哈....我冇哀愁，哀愁喺晒歌裏面，我亦唔想喊，喊緊點唱歌俾大家聽？呢隻歌陪咗我兩三年，每當我有不開心、迷惘時，呢隻歌俾咗好多力量我，所以我特登揀來送俾大家，請大家相信『勇氣就係魔術，可以幫到你。』」

接着Eason說：「言歸正傳，我今日就派左隻新歌《盲婚啞嫁》，既然大家今晚咁開心，趁着有咁大個屏幕，一齊睇好唔好？」觀眾即開心到震，全部留座欣賞這部微電影首播，繼而Eason更首唱這首新歌，令大家大感足才離場。

此外，這兩晚捧場嘉賓包括有甄子丹及其太太、張智霖、袁澧林、張進翹、洪卓立及女友劉沛蘅、吳君如陳可辛一家三口等等。

 

【其他文章】：

萬千星輝2022｜呂慧儀離奇「跪拜」TVB高層曾勵珍多圖逐格睇 短裙露股疑似走光

楊洛婷爸爸正面曝光！網民讚勁有明星相充滿喜感 一家顏值超高令人羨慕 

萬千星輝2022｜馬來西亞視后劉佩玥美女媽媽曾參選港姐 入行10年曾吊帶低胸肉搏黃宗澤

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ