德甲｜拜仁中東開操 低頭族隨時激到老主席彈起
2023-01-09 19:33 
拜仁慕尼黑的球員們最近在卡塔爾正式開啟了他們的冬季備戰，但是德國媒體《圖片報》的記者發現拜仁球員在訓練場機不離手，同球會一向嚴格限制球員使用手機的傳統大相徑廷，若果俾出名嚴打手機的榮譽主席漢尼斯見到，必大發雷霆。
記者到卡塔爾採訪拜仁訓練時，拍到賴恩格雲貝治用手機大聲播音樂，祖普莫亭則戴著耳機，後衛斑捷文柏華特在練習前仲講緊電話，幾名球員一直到正式練習時間開始前一刻，才不捨地放低手機，睇嚟現任教練拿格斯文都幾放任球員。
《圖片報》在報導中則笑言， 好彩榮譽主席漢尼斯睇唔到呢啲鏡頭。漢尼斯出晒名嚴打球員使用手機，在2017年時已曾講過：「班細路而家冇晒私隱啦，生活完全透明，手機對於球員來說就係垃圾！」
另一單舊聞則是2018年，時任教練尼高高華禁止球員使用手機，什至球員食飯或者治療時，都唔準用手機。
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應