虛擬情人丨胡蓓蔚加入TVB 20年今日續新約林景程失落男飛躍冇失望

2023-01-09 18:22

胡蓓蔚在《虛擬情人》拜神活動後跟TVB動筆續新約，她說之前離開香港兩個月到上海探親，今次續約沒有特別條件，明年是她加入TVB 20年，笑稱好抵用，劇集及綜藝節目都鍾意，自問演戲沒有經驗，要向身邊林景程學習，不過劇中與林景程沒有對手戲，袁文傑飾演她老公，由於對方身形太高，所以經常穿高跟鞋好辛苦。

林景程角逐「飛躍進步男藝員」落空冇失望，他在TVB 13年，覺得被人睇好及留意已經好開心、好享受。對於鄧智堅奪「最佳男配角」，他讚鄧智堅演得好，笑指鄧智堅是下流人，得獎替對方開心，透露新年期間相約一齊食飯慶祝。至於林敏驄沒得獎會否可惜？他說驄哥對個人獎項不會看得太重，《下流上車族》得「最佳劇集」是最大鼓舞。胡蓓蔚認同林景程說得到觀眾鍾意及留意好緊要，得獎是錦上添花，她恭喜好友陳山聰得獎，透露山聰已答允請一班兄弟姊妹吃日本菜慶祝。