Juicy叮｜月光族女友擬婚後辭職做少奶奶 港男憂養家壓力大

現時百物騰貴，即使是沒有小朋友的家庭仍會感受到經濟壓力。有港男則在網上發文指，其女友是會花光每個月的薪金，而沒有儲蓄習慣的「月光族」，更打算在兩人結婚後辭職當少奶奶，令他對於將來感到擔心，並直言養家壓力大。

該名港男日前在香港討論區以「女朋友諗住結婚之後辭職靠我養佢」為題發文，提到「女朋友平時咩都無所謂，又會使好多錢，係月光族，冇做咩理財，對將來嘅規劃都指擬晒我」。他指，「雖然我成日都話以後會養佢，亦都諗住娶佢」，不知是否因為他經常這樣說，因此女朋友打算在結婚後辭職，「等我養佢做少奶奶」。他直言，「聽到女朋友咁樣講之後有啲驚，同佢都冇打算生小朋友，如果佢真係唔做嘢，咪日日遊水好閒？」他又指，「得返我一個人掙錢但兩個人一齊洗，養家嘅壓力真係好大。兩個人一齊為頭家努力唔係更好咩？」

請點擊組圖瀏覽：

有人認同樓主女友的想法沒有問題。網頁截圖

有人直言，「所以兩個人真係好難用一個愛字維繫，一講到柴米油鹽即刻好掃興」。網頁截圖

有人直言，「唔結婚咪唔駛養」。網頁截圖

有人則指，「貧賤夫妻百事哀」。網頁截圖

另有人則建議樓主多與女友溝通。網頁截圖

相關帖文隨即引起網民討論，有人認同樓主女友的想法沒有問題，並指「合情合理」、「要計數，如果老婆做極都搵一萬幾千，返工要請菲傭一濶三大，不如全職湊仔好過。好多女人生咗都係咁，計掂條數過到就可以。細路跟住老母是最幸福的，有什麼急事也有老婆處理，男仔疊埋心水搵錢做大丈夫就得」、「你講過養佢，難怪佢咁諗喎」、「我覺得你女朋友的要求合理，結婚之後還要老婆工作那不如不結婚啦」等。

有人則直言「哈哈，所以兩個人真係好難用一個愛字維繫，一講到柴米油鹽即刻好掃興。老實講，除非你好搵到唔介意，但聽你語氣唔似。我會認真向佢表明老婆唔工作，以香港生活指數真係攪唔掂，仲要留錢退休。如果佢仍然好堅持就早日分手算，你話我賤都係咁講」、「唔結婚咪唔駛養」、「貧賤夫妻百事哀」、「淨係養老婆你都有壓力？咁一個唔小心有咗小朋友又或者你老婆第時有啲咩事返唔到工你點搞呀？睇到你老婆要諗清諗楚先好同你結婚喎」等。另有人則建議樓主多與女友溝通，並指「落決定之前要諗清楚呀巴打，真係接受唔到就要當面同佢講」、「要講清楚」等。

帖文來源：香港討論區

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ