Juicy叮｜分享疑中伏渠王初體驗 柳俊江：報價似炒緊必理痛

在家中遇到塞渠情況，相信不少人亦會在網上尋找通渠服務。不過，前新聞主播柳俊江近日則分享疑似中伏的「渠王初體驗」，指報價由由750元升至7,500元，並直言「有啲似炒緊必理痛咁」，隨即引起熱議。

柳俊江日前在社交媒體以「渠王初體驗」為題發文，提到家中廚房渠喉堵塞，洗衣機的水倒流，「搞到一地都係」。他隨即在搜尋網站上隨機聯絡一名「渠王」上門檢查。他指，「佢拖2個喼上嚟，用部機震幾下，話唔得，要升級，再攞條wire（金屬絲）通落去，話通咗2米都唔得，要再升級，今次要喺個百寶喼攞2部機出嚟搞。」

請點擊組圖瀏覽：

柳俊江在網上尋找通渠服務。資料圖片

他分享疑似中伏的「渠王初體驗」。iStock圖片

他指，「渠王」上門檢查時不斷以升級為由提高報價的價錢。iStock圖片

他指，「但係我真心唔覺得件事好妥，就畀咗$1500打完場」。iStock圖片

不少人分享類似經歷。FB截圖

不少人分享類似經歷。FB截圖

有網民指，「買定呢個以後自己搞」，柳俊江則回覆指「佢就係用呢嚿嘢收我$1500」。FB截圖

有人則分享自行通渠的方法。FB截圖

他續指，在短短半小時內，對方的報價由750元上升至1,500元，隨後再上升至7,500元。他直言，「我覺得伏伏哋，話都係唔使喇，我諗其他辦法」，對方聞言後即叫他還價。他指，「但係我真心唔覺得件事好妥，就畀咗$1500打完場」，並指「我唔係話佢唔啱，只係我直覺件事有啲伏，有啲似炒緊必理痛咁。敢問各位，通渠係咪就係咁嘅呢？」

相關帖文隨即引起熱議，不少人分享類似經歷，並指「我有用過，仲好記得個名叫【XXX】，又係兩個男人上嚟，一個齋講一個齋做，條渠講道由600變1800再變9600，畀完錢走咗之後上網睇番先發覺原來全行都係咁做， 仲好記得有成條片講點樣呃人」、「呢一班人係用呢啲手法做既野，呃得就呃～賣廣告個的全部係佢哋同一班人～我有個客就係年初二爆水搵咗佢地，中咗佢哋招，被劏左成皮幾」、「我中過，一模一樣，每次搞一大輪話要升級，上咗3次唔同師傅，最後收咗13000蚊，隔幾日又塞，再打去就死都唔聽電話。連收據個蓋章都係假，佢哋盜用咗人哋公司名同章，公司電話都係假」、「又係震震機，高壓機，湯師傅呂師傅嘛，出晒名啦。你上網搵通渠九成都係呢兩條X樣」等。有網民指，「中過伏啦，升完又升，又話蒸氣又高壓又剩，所以買定呢個以後自己搞」，並分享一張在「下水道疏通器」的照片，在淘寶網站上的價格為近8元人民幣，而柳俊江則回覆指「佢就係用呢嚿嘢收我$1500」。

有人則分享自行通渠的方法，並指「通渠其實乜都唔使，買條長水喉就得，我都咁樣塞過，將條水喉隊落去，係咁攝毛巾塞住隙位盡量令啲水唔會湧番出嚟，另一邊要同水龍頭扭實，用水壓谷通佢，沖涼去水位最方便做，長花酒喉就做到」、「唔使搞咁多嘢，食用soda粉大概500g，成包／盒倒落去煲煲滾水倒落去，三幾分鐘就掂」、「買通渠水倒落去，過一個鐘， 小心要用手套，還有耐唔耐， 倒梳打粉落去再加熱水同醋， 擰開底部 u 形蓋清潔， 用 木快子把像豬油的漬清除」等。

帖文來源：柳俊江FB

警方曾就類似情況採取行動

在2021年，消委會在過去3年接獲超過70宗投訴，指有上門通渠服務公司標榜以「不成功不收費」作招徠，其中一些投訴涉嫌以欺騙手段誇大水渠淤塞問題，及以威嚇手段迫使市民支付高昂及不合理的維修費。

警方商業罪案調查科接收消委會的個案跟進。調查發現，有人在網上刊登廣告，指提供24小時上門通渠服務，並在電話聲稱一般只收取數百元維修費。可是，上門檢查期間，他們以失實的陳述誇大水渠淤塞的問題，並訛稱須以其他特殊方法處理該問題，藉以收取高昂及不合理的維修費。當市民拒絕接受他們訛稱的服務時，他們便會以威嚇手段迫使市民接受其服務。受害人在各宗案件分別被騙取數千甚至過萬元的維修費用，卻不能解決原有的水渠淤塞問題。警方在同年8月3日採取行動，以「欺詐」及「刑事恐嚇」拘捕涉及多宗同類案件的一名32歲本地男子和一名35歲本地男子。

相關新聞：

上門通渠誇大淤塞威嚇收高昂維修費 消委會3年接逾70宗投訴拘兩男：https://bit.ly/3ZhtiNk

 

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ