林芊妤搞網站曾被朋友搵笨 搵到錢唔使老公畀家用仲打算買樓

林芊妤（Coffee）今日為HOY TV節目《有種老闆娘2》錄影，自認是好老闆的她指對待員工時會「將心比己」，又大讚員工亦會自動自覺幫忙做事，所以平日很少會鬧他們。Coffee笑指由細到大都會被人搵笨，所以老公是她的軍師兼最強後盾，Coffee表示做生意初期曾試過用約10萬的價錢，找朋友設計網站搞到好麻煩：「當人哋買嘢嘅時候，個網站出現咗好多問題，白畫面、Double payment、畀多左14次錢⋯⋯我第一次開賣嘅時候，兩個鐘賣晒所有嘅貨，但之後用咗兩個禮拜時間去退返錢同埋同啲客解釋。」

Coffee俾朋友呃過，以後不相往來。

Coffee指前後在網站投資了2、30萬，但錢就使咗運作仍然有好多問題。

Coffee指找回負責設計網站的人先知道，朋友原來只是中間人角色，更從中收取了九成的價錢，搞到設計網站的人與自己也好唔憤氣：「梗係有鬧佢，之後亦再唔係朋友，覺得呢次真係俾人搵笨，亦都信錯人。」Coffee指前後在網站投資了2、30萬，不過用了2年多後發現仍然有很多漏洞，所以亦要將網站搬去大平台，她指錢對她來說不是大問題，日後可以搵返：「以後要帶眼識人，今次當買教訓，以後都會更加小心，更加聽我老公講。（好慶幸有呢個老公？）係，佢做金融頭腦比較清晰，每次有人問我借錢嗰啲我就會問老公，佢就會幫我衡量。」

Coffee指由結婚開始老公也沒有畀家用，只給她一張附屬咭買日用品，不過她只用了五次以內，因為自己有能力搵錢，所以不好意思用，她又透露自己現在想買樓，不過老公未必想在香港買：「我希望買層樓係我哋嘅，啲人話如果佢有咗第二個咁點？我又冇乜所謂，大家嘅財產都係一齊，所以我冇計呢啲嘢，但我覺得女仔有能力去搵錢同使錢，又可以幫助屋企，係一種能力同開心事。」提到她現時的賺錢能力比老公強，Coffee指不能這樣計算，因老公有固定薪金：「我呢兩年搵得多錢唔代表我之後都搵得多，所以我都好知慳識儉，唔會立亂買名牌，要好好計劃我嘅未來，所以想投資買樓同做生意。」問到囝囝伯伯似誰？她笑指兒子很兩極，似老公般內向及理性，但混熟了就似自己一樣瘋癲。

 

Coffee自己搵到錢所以唔使老公畀家用。

Coffee之前一家去咗日本過聖誕。

《星島頭條》APP經已推出最新版本，請立即更新，瀏覽更精彩內容：http://www.stheadline.com/