Juicy叮｜呻女友出街慣性遲到紀念日僅寫卡 港男：我每次「都staycation+禮物」

單方面付出的感情並不健康。有網民在網上代好友發文，提到其經濟能力較女友好，並指在首5個月的紀念日亦「每次都staycation+禮物（夾捚五六千）」，但女友則只會寫卡，而且女方經常在約會時遲到1小時以上。相關帖文隨即引起熱議，有人直言女方只當樓主朋友是「人肉atm」，並有不少人勸喻兩人分手。

該名網民在Dcard討論區以「（幫frd post）我女朋友有啲港女」為題發文，指朋友與其女朋友的背景甚為不同，朋友居住在九龍塘，考獲外國大學的學士及碩士，家庭的經濟能力中上。至於女方則來自單親家庭，家庭的經濟能力中下，並指其母親是內地人，經常向女兒灌輸「奇怪」思想，「20頭（以前識嗰陣）就話要幫佢相睇，啲information係：有車有房，178高之類，成日都有，又話：你大陸啲表妹嫁咗個有樓既不如過得幾好」。

請點擊組圖瀏覽：

有人認為女方當男方是「人肉atm」。網頁截圖

有人形容是「拜金女現形」。網頁截圖

有人則認為男方應與女友好好溝通。網頁截圖

不少人則勸喻男方與女友分手。網頁截圖

有人直言兩人的背景相差太遠。網頁截圖

兩人在發展成情侶之前已是朋友，「都聽好多佢玩app同仔仔出街嘅事，個男仔無車佢唔會同人出街」。直到兩人相戀後，首兩個月在外出時仍是乘搭港鐵，隨後男方間中會駕駛父親的私家車接載她，女方每次亦會拍下車輛的照片並上傳到社交媒體，「我覺得其實佢都係想坐私家車，有種感覺係虛榮感？」男方續指，每星期亦會與女友一同用餐1至2次，每次亦是由他付款，「但係自從佢生日我帶佢去食咗人均$1500嘅餐廳，佢就成日暗示要食貴野」。另外，在首5個月的紀念日，男方自稱甚為「識做」，「每次都staycation+禮物（夾捚五六千）」，而女方則會寫卡送給他，但他隨後發現女方每個月除了寫卡以外，不會贈送其他禮物，「畀我嘅感覺就係佢懶得諗送咩，亦唔想洗錢」，並直言「其實一二百蚊嘅禮物我都得㗎」。他又提到女方經常在約會時遲到1小時以上，但以往當兩人仍為朋友關係時，卻不會出現類似情況。

相關帖文隨即引起熱議，有人直言「人肉atm（奉勸呢啲女人如果想要過有錢人嘅生活，唔該佢哋有手有腳用自己努力賺返嚟）」、「拜金女現形」、「你背景唔差，咁多正正常常嘅人唔搵，係要去執埋晒啲奇奇怪怪嘅垃圾」、「似包養緊條女多啲喎」等。有人則認為男方應與女友好好溝通，並指「你一係直接同佢講你嘅感受，睇吓佢會唔會有改善，如果唔係得你一個係度呻，係改善唔到任何嘢」、「唔鍾意要出聲，唔出聲無人知你想點，講完唔改/無合理理由，可以考慮離開」等。

另有不少人則勸喻男方與女友分手，並指「建議盡快分手」、「知道佢老母咁就要走啦，呢啲女留喺度過年？」、「走得快好世界啊」、「香港好多呢類女仔，要避開都要啲睇人嘅眼光同運氣，建議分手搵下個，睇下可唔可以及早見人心」、「背景唔同真係搞唔掂」、「竹門對竹門，木門對木門，差太遠，勉強冇幸福」等。

樓主在回覆留言時補充指，「我朋友：我女朋友表示自己無我搵咁多，所以無錢買禮物」。有人則批評，「唔會一二百蚊禮物都畀唔到掛」、「自己冇錢就要求人哋買貴禮物同食貴嘢？唔係呢個消費模式就唔好做唔屬於自己消費模式嘅嘢啦。加上佢當佢男朋友係咩呀？ Sugardaddy定包養？佢影架車唔影男朋友就知咩事啦（唔係歧視，但係佢屋企咩背景都知道佢係想要一個有錢人而唔係想拍拖啦）如果我係條仔真係接受唔到送張爛卡囉，寫幾隻字就好sweet ？唔好咁傻啦人哋當你ATM咋」。

帖文來源：Dcard討論區

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ