Juicy叮｜中二女生呻派漏聖誕卡激嬲好友 網民：「呢段友誼豆腐渣工程嚟」

在讀書時期，不少人會在聖誕節向朋友派發聖誕卡。有中二女學生在網上發文，指自己因為派漏聖誕卡，導致失去了一個好朋友。

該名女生日前Instagram專頁「名校Secrets」投稿，提到自己就讀中二，並習慣在聖誕節向同學派發聖誕卡，而在去年的聖誕節亦不例外。她指，有一位已相識6年的好朋友，與對方經常相約外出、聊天及食飯等，「喺我心目中，我哋嘅友誼一直好穩固，直至呢件事發生咗」。她指，在聖誕聯歡會的前一日，已向同學派發聖誕卡，「唯獨唔小心唔見咗咗佢+B同學嘅卡，呢樣嘢我都唔想，知道後立即道歉，表示會喺聖誕聯歡會帶返啲卡。」她續指，雖然B同學與自己並不算太熟絡，但對方指自己並不介意，亦接受樓主的道歉，但指好友的行為卻令她感到意外。

請點擊組圖瀏覽：

中二女學生指，自己因為派漏聖誕卡，導致失去了一個好朋友。iStock圖片

不少網民批評樓主好友的行為。IG截圖

另有人則認為聖誕卡並非主因。IG截圖

有人直言「一睇就知專登搵機會同你絕交」。IG截圖

有人質疑樓主與好友之間的友情。IG截圖

有人認為樓主好友一直未有當樓主是朋友。IG截圖

對方在得知沒有聖誕卡後，隨即表示「你點可以咁啊，個個都記得就係我冇？你係咪特登唔畀卡？再有下次我就唔當你姊妹，寧願黐埋XXX度（佢其他frd）！」。樓主指，「其實我明自己冇咗佢張卡確實好唔啱，但係佢嘅言語令我好hurt，同埋佢因為咁細件事就咁大反應，搞到我懷疑佢對我哋之間嘅友情到底係點樣嘅價值觀」。樓主又指，送聖誕卡只是希望開心，但好友的一句話對她的心情帶來很大影響，「因為呢件小事，我依家見到佢嘅時候都有啲唔自然，又想盡力補償畀佢，同時又認為自己冇必要咁樣做」，因此希望詢問其他網民的意見。

相關新聞：

Juicy叮｜聖誕抽中心儀男生「地獄禮物」 港女批惡夢開始直言「扣晒分」：https://bit.ly/3CfZN4M
Juicy叮｜喜好似男仔聞香水想嘔 女學生：好後悔入咗女校：https://bit.ly/3vtogj9
Juicy叮｜學生大呻學校旅行去「冇火龍果嘅火龍果園」 再批場地似廢墟惹議：https://bit.ly/3VGRFB4

相關帖文引起熱議，不少網民亦批評樓主好友的行為，並指「好小學雞」、「你話送禮物畀全班，但冇送畀佢就話過份啲啫，聖誕卡咪又係一兩句嘢客套說話加個聖誕快樂，咁都好嬲？」、「唔覺得係中學，你就中學啫，但係你個bsf係咪小學生嚟噶？漏咗張聖誕卡啫，幼稚到咁嘅樣好唔好笑啲，呢啲咁嘅友誼仲話穩固？」、「由得佢走，呢啲叫塑料友誼」、「呢段友誼豆腐渣工程嚟」、「我覺得真係叫朋友嘅唔會因為呢啲小事而咁樣」等。另有人則認為聖誕卡並非主因，並指「為咗個聖誕咭同你絕交，其實擺到明一早就唔鍾意你，建議唔好再做frd」、「一睇就知專登搵機會同你絕交」、「擺明佢一直冇當過你係朋友，只係攞聖誕咭做藉口合理化自己嘅行為」等。

帖文來源：「名校Secrets」

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ