有種好男人丨陳庭欣一到年尾被問幾時嫁 防疫放寬多咗司儀Job好開心
2022-12-30 18:15 
陳庭欣（Toby）今日出席《有種好男人》宣傳活動，早前富貴男友Benny生日時，Toby高調在社交網晒兩人拖手合照，力證兩人情未變，Toby指只有大時大節才會貼相：「社交網有當年今日嘅功能，純粹做個紀錄，等下年又可以睇返啫。」
Toby指每年都會幫男友慶祝生日：「都會約埋朋友一齊同佢慶祝，大家會交換禮物，被評最差禮物嘅要罰飲一杯。」Toby指因男友將會去北海道滑雪，所以今年送了一頂冷帽給對方作禮物，不過她就透露因受日本防疫政策影響，故未知男友滑雪計劃會否因此改變：「因Book好晒機票酒店，都冇得改Plan B，希望政策唔好彈出彈入。」她指今次因有工作在身，故不會與男友同行：「依家防疫措施放寬咗，多返啲司儀工作，1月接咗2、3個工作，未有疫情通常一星期2、3單，希望疫情快啲過啦。」
問到Toby何時與男友拉埋天窗？她笑指每到年尾大家也會問這些問題：「年頭問結婚，年尾問分手，結婚嘅事其實到嗰陣就自然會出現。」她又謂其實沒有刻意計劃，長輩亦沒有催促，但就算真的也不會大搞，皆因她覺得擺酒好攰，所以不介意旅行結婚。
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應