張敬軒Boxing Day完騷後初步確診 無奈自嘲：避咗三年卒之都係中咗
2022-12-27 12:55 
張敬軒（軒仔）一連11場的跨年《Revisit演唱會》目前在會展開鑼，不過今日主辦單位宣佈，軒仔在第六場之後，初步確診新型冠狀病毒感染，按相關防疫規定要馬上接受隔離，所以今日大會宣佈2022年12月27、12月30、 12月31、 2023年1月1日及2023年1月2日(共5場) 場次，將延期舉辦。英皇娛樂公告，今晚起已購票觀眾請保留相關場次門票﹙必須連同票根﹚，密切留意英皇娛樂官方網站、Facebook及Instagram平台，相關的後續延期及退款安排將儘快於兩星期內公佈。主辦方英皇娛樂集團及張敬軒對是次突發事件為已購票觀眾帶來之不便深感抱歉，希望張敬軒能盡快康復並能與各位樂迷及觀眾見面。
【點擊睇張敬軒演唱會】：
昨晚軒仔依然落力於舞台上演出，因為觀眾的熱情而三度安歌，唱《無能為力》後，歌迷繼續叫安歌，又想送禮物，不過軒仔已不似之前一樣行近歌迷收禮，只遠遠問：「咩嘢嚟㗎？咁似避孕丸？哈哈。多謝每一位朋友，我好開心呀今晚！我啱啱先知原來今日係公眾假期補假呀？但係會展班同事都要休息啦，我都聲沙啦~~樂隊呢？走埋？哈哈。」觀眾叫他清唱，他再笑道：「不如出年又開啦...哎吔都唔會過嚟收禮物啦，其實我係唔掂得你哋禮物架，我冇戴口罩，同埋我需要大家今晚返去，無論你咩宗教信仰都好，都要為我祈禱，我有做快測，仲係一條線，但係今晚去到下半場，我一路飆冷汗，你哋集合力量幫我，叫張敬軒唔好病好唔好呀？」
沒料到軒仔一語成讖，最終都要無奈暫停今次演出，希望他早日康復，演唱會總監馮貽柏表示，大會將盡力協調一切，以軒仔健康為先，同步協調場地日期之後，會盡快通知歌迷補場安排。軒仔的演唱會多謂「波折重重」，在今年年初第五波爆發，他的紅館演唱會押後原定1月6日後共8場演唱會。
其後軒仔在社交平台出PO，他語帶無奈地自嘲「避咗三年卒之都係中咗」後說：「對於餘下五塲嘅各位已經購票的嘅觀眾我覺得萬分抱歉，好多謝大家的嘅支持。知道這呢次有好多朋友遠道而來，或者特登撲飛，辜負咗大家一番心意真係好對唔住。我會盡快養好身體，另擇日子再續呢一次嘅奇妙旅程。」最後有向所有受影響的台前幕後以及各個單位、友致歉：「多謝大家嘅包容與體諒！要再一次多謝過去六塲前嚟支持嘅朋友！大家喺疫情之中都要身體健康，平平安安！」
【其他文章】：
劉嘉玲晒半山「藝術館」級奢華複式豪宅 古典裝修飯廳如同皇宮巨型吊燈極有氣派
盤點50+女藝人最強黑絲造型！趙雅芝襯短褲似少女 周海媚襯旗袍有仙氣
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應