Juicy叮｜打工仔聖誕抽中平板電腦即講一句話 老闆當場黑面

在一年一度的聖誕節，不少公司會舉辦抽獎活動。有打工仔分享指，其同事在抽獎中獲得一部平板電腦，但指對方隨後說出的一句話卻令老闆即場「黑面」。

該名打工仔日前以「同事將抽到嘅聖誕禮物拎咗去賣」為題在香港討論區發文，提到公司早前舉辦聖誕抽獎活動，其中一名同事幸運地抽中一部平板電腦。然而，由於該名同事原本已有平板電腦，因此對於自己中獎未有感到太開心。樓主指，該名同事隨後更在老闆面前大聲表示「要放上網賣咗兌現」，「老細聽到塊面即係黑晒」。樓主直言，「不過都明點解老細會黑面嘅，都叫為同事準備咗聖誕禮物，但同事收到竟然話拎去賣，咁樣不如直接畀現金」。樓主認為，在網上放售獎品沒有問題，但不應在老闆面前大聲說出，又指「聽講老細嬲到諗住下年唔搞聖誕抽獎啦」。

網民隨後紛紛批評該名同事的行為愚蠢，並指「梗係靜靜雞賣，過一排同事問起就話送咗畀屋企人」、「係都唔好喺老細面前講」、「人情世故嘅嘢都唔懂咁」、「職場守則，畀面老細」、「點都要扮到好開心，多謝前多謝後啦。人生如戲，無演技就注定艱辛」、「好正常啫，不過你同事EQ有問題」等。另有人則認為其做法沒有問題，並指「賣咪賣囉，有乜問題呢？咁抽到現金唔通要存入銀行」、「抽到係佢嘅，佢覺得唔啱用賣咗佢無問題吖」、「抽到就係佢嘅私人物品，佢點處理佢既私人物品，公司管不到吧」、「好正常咋喎，我公司有同事試過抽到部三星手機，市價8折賣咗畀另一個同事」等。

帖文來源：香港討論區