《聲夢2》任暟晴搵張敬軒陪過平安夜 Janees唔介意遲過冠軍出個人作品
2022-12-24 16:25 
《聲夢傳奇2》冠軍任暟晴（Jasmine）、亞軍黃洛妍（Janees）、XIX成員劉芷君和陳昊廷今日到上水出席聖誕活動，吸引過百歌迷到場支持，侯雋熙則因身體不適缺席。
身為張敬軒fans的Jasmine興奮地表示今晚平安夜撲到飛，會與梁芷菁 (Crystal)一起去看軒公演唱會，提到她若早一屆參加《聲夢》就可以見到身為導師的軒公，Jasmine 說：「有啲覺得可惜，希望嚟緊有機會同佢合作。」正讀中五的Jasmine指聖誕將會有12日假期，不過她將會在家做功課和睡覺，並透露農曆年會與家人到韓國旅行。郭偉亮早前為Jasmine 度身打造新歌後，大讚她錄音時表現淡定，Jasmine聽到後亦覺得好開心，對有新歌推出亦感興奮，問到新歌推出後會否專注做藝人？她說：「會兼顧返學業，因為自己都好想讀書。」
近日因天氣轉變搞到身體有點不適的Janees則表示希望今晚能跟家人一起去看燈飾，並透露已約了《聲夢2》學員稍後一起聚會，她說：「每年聖誕屋企都有一個習慣，會揸住架車睇燈飾同開住天窗同細佬妹一齊唱聖誕歌。」問到最難忘的聖誕節，Janees指在歐洲讀書時覺得最有聖誕氣氛及最多嘢玩：「嗰邊每年都有Christmas Market，可以飲下啲熱嘅甜酒同食薑餅同聖誕大餐。」又表示同學們都很好，會邀請她回家一起慶祝節日，問到是否想找個男友陪她過聖誕？Janees說：「冇，而家有啲忙，兼顧唔到，呢啲嘢順其自然，冇嘢要急，始終都係工作為重。」問到何時推出新歌？她表示不知道，並說：「可能我哋一個一個嚟，當然我希望盡快有自己嘅歌，（會唔會介意Jasmine已經有新歌？）咁又唔會，我覺得有時候唔急嘅話，可能做出嚟嘅作品會仲好。」
【其他閱讀】：
57歲羅霖露香肩色誘蔡康年極重口味 事後迷之笑容睇到網民打冷顫
前Cookies成員區文詩富豪級生活孝敬媽媽 餅印Angela媽咪啡金髮色勁青春
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應