外賣電單車手不滿被抄牌 舌戰交通督導員擺上網惹議
2022-12-20 20:57 
再有交通督導員抄牌後被罵片段流出。據FB專頁「香港鐵騎館」流傳的一則2分鐘片段，可見一名相信是剛拿完外賣的電單車車手，與正在交通督導員唇槍舌劍，其間粗口橫飛，引起討論。
片段相信拍攝於銅鑼灣鵝頸橋橋底，時間未明，由電單車車手「揸機」，其間多次靠近拍攝交通督導員的容貌，而涉事電單車則泊在橋底行人路上。鐵騎士在開頭首先便斥「X你有無咁離譜呀，我走去攞個外賣，你又抄」，又言「而家一係政府禁唔好做外賣，X你XX我去攞外賣，咁我架車停喺邊度？」交通督導員則回應「我工作就係要抄牌，你泊喺度，我就要抄你啦」。
事發經過點擊圖輯瀏覽：
這名鐵騎士隨後又指控該名交通督導員「專門抄電單車，選擇性抄」。交通督導員隨即強調自己並非針對「你睇嗰度私家車抄曬啦，你咪睇吓囉」， 又拿起手機向該名鐵騎士展示抄牌紀錄「喂老細呢架咩嚟㗎，呢架的士嚟㗎，呢架私家車嚟㗎，呢架貨車嚟㗎，你睇吓啦！」
不過，這名鐵騎士「聽唔入耳」，依然認為交通督導員選擇性執法，繼續粗口辱罵，又反指交通督導員「犯法」 ，交通督導員則回答「阿叔你做得呢行，你要自己搵位啦，使唔使我同你送埋呀」，又稱「如果你覺得自己啱嘅，就搵個律師同法官講，唔好同我講」。雙方糾纏約2分鐘後片段結束，未知後事如何。
今年11月下旬，深水埗楓樹街4名車房職員涉嫌違泊多輛私家車，並挑釁及辱罵交通督導員，嘲笑他們是「咖啡仔」，警方隨後連日於現場高調執法，被網民戲稱為「深水埗Error事件」。4名車房職員早前已被捕，並被控一項「在公眾地方作出擾亂秩序的行為」罪，案件已提堂。
深水埗Error事件點擊圖輯瀏覽：
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應