歌神張學友自嘲屋企地位低過隻龜 雷曼苦主罕有講投資：我比較保守
2022-12-20 15:00 
歌神張學友最近接受港台節目《香港機遇》周振基訪問，由入行經歷講到對香港樂壇新景象外，還罕有提到家庭生活，昔日金融海嘯慘變雷曼苦主的他，更難得講投資。蘭花指一直是張學友唱歌的招牌手勢，他在訪問到提到手勢並非創作：「其實係不知覺嘅，你叫我示範都唔知點。純綷係緊張，隻手唔知點做，其實係不自覺嘅動作，因為我個人比較悶，所以啲人見到比較特別嘅嘢就『嘩』，覺得好特別。」
【點擊睇張學友】：
香港樂壇氣份與昔日已經大為不同，難以再出現「巨星」，學友亦有一翻見解：「成件事發展唔同咗，以前好區域性，淨係喺香港，啲人又少娛樂，好易成為焦點。同埋以前啲媒介，大家搵到個目標就一齊做，好似喺中文金曲拎獎，喺勁歌、叱吒都多數有獎。後來大家各自為政，當焦點唔集中就好難做到所謂嘅明星出嚟，分得好散。」他又以打機作比喻：「而家淨係打機都唔知幾多百種，跟唔到，轉都轉唔切。」學友更自爆為防止腦部退快，也有打機：「我玩嚟玩去都係嗰幾隻，主要訓練我個腦唔好咁快退快，例如數獨嗰啲。」
昔日學友亦曾活躍影壇，他直這當日是為維持生計，後來才發成興趣：「以前唱歌（收入）唔係好穩定，但拍戲我知拍一部收幾多，例如我一年接咗七部，咁我大概計到自己收入有幾多。曾經係我主要生活收入，後來演唱會機會多咗，收入有保障，變咗得閒拍吓，嗰部啱拍吓，或者有啲人情債要還就拍吓。」
2008年金融海嘯引爆雷曼事件，當時有傳張學友亦是苦主之一，據聞蝕逾4,000萬，佔一半身家。學友在訪問中難得講到投資，透露自己是保守派：「我個人比較保守，多數都係低風險，買物業唔係我主要投資，我所有嘅物業都係自用，所有冇自用嘅都賣返出去，而家所有都係自用，做倉又好、住又好、寫字樓又好，自己都係買嚟用。」學友直言收租好辛苦：「個窗漏水又關你事、樓上漏水、水渠爆咗又係你去整。我個人比較冇安全感，需要好大嘅安全感。」
張學友亦在訪問中罕有提到家人，更自嘲自己的地位比龜還要低：「我屋企永遠都係最後一位，屋企隻龜仲高級過我，我幫佢抹屎、餵佢，幫佢洗籠。第一我太太、跟住我兩個女、我媽媽、隻狗。（可能排第6、7？）可能再後啲，隨時加多隻龜或者生龜蛋。」對於兩個囡囡，學友亦以朋友般相處，自言是佛系管理，絕非嚴父：「我主要係畀意見，接唔接受就佢哋自己，無論係衣着、談吐、對將來看法。但我唔會逼佢哋，如果佢哋堅持，要佢哋自己承受結果。」至於家中家務，即使身為歌神亦有負責，不過就比較少煮飯：「因為煮飯係我太太好鍾意煮飯。」更大讚太太手藝「咩都叻、咩都好食」，求生慾爆燈。
學友近年雖然減少工作，但繼續保持最佳狀態，但娛樂節目亦是為唱歌：「多數都係為咗保持狀態，打波、做gym都係想keep住個狀態，我最大嘅娛樂都係唱歌。」學友在90年代就開始到內地表演，見證着中國內地多年變遷，他直言變化翻天覆地，超乎想像：「以前我哋用香港想像內地，慢慢發展到呢個階段就會發達，根本眨吓眼就超過咗。香港人都要發揮最大強項，適應力強、轉數快，都係有機會。」雖然入行多年，更貴為歌神， 但他表明不敢收徒弟，怕教錯人：「如果真係要學嘅，可以搵老師學基本技術，再發展落去，一定要發展自己對音樂嘅睇法，最終先會發百花齊放，有唔同音樂出嚟。」
【其他閱讀】：
何超蓮傳與內地男星竇驍3年情斷 與網民互動簡單兩句粉碎分手傳聞
東張西望丨內地單親媽為公屋加名波折重重 港夫等到癌逝妻控訴房署冇酌情處理
Angelababy貼運動照露纖腰暗示沒確診 大特寫驚見額角頭髮稀疏有後移跡象
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應