40歲李佳芯新劇做吳偉豪仙氣媽媽 揚言將來生仔結婚都要繼續拍戲
2022-12-19 11:00 
無綫下周一（26日）播出由李佳芯、馬德鐘、吳偉豪、陳自瑤等主演的新劇《有種好男人》。繼《與諜同謀》、《BB來了》及《殺手》後，今年40歲的李佳芯第四度挑戰人母角色，她2018年憑住《BB來了》做新手媽媽封視后，今次再向高遊難度挑戰，劇中她飾演育有17歲兒子的單身媽媽，而該兒子就是由今年24歲的吳偉豪飾演。劇情講述身為單親媽媽的李佳芯頻繁進出上流社交圈，接近張國強飾演的城中富豪，不過原來並非釣金龜，反而是希望接近其保鑣。
【點擊睇李佳芯新劇再做媽媽】：
對於首次演繹17歲兒子之母，李佳芯稱困難在於，要幻想養育一個兒子17年的感覺：「對我嚟講，呢件係好遙遠嘅事，初頭係需要啲時間去攞呢種感覺，同埋唔可以好似之前咁同啲小朋友一齊嘻嘻哈哈，要用另一種相處方式。」幸她與吳偉豪一拍即合，戲裏戲外均似姊弟般相處的兩人也慢慢拍出默契，李佳芯還大讚對方投入認真。
提到劇中造型充滿「仙氣」、在職場上也很有自己一套，問將來可恨做個內外兼備的職場媽媽？李佳芯說：「相信每個人喺唔同階段都希望keep到最有光芒，我自己係一個停唔到落嚟嘅人，就算將來有家庭、生小朋友，我唔一定係工作，但一定會做自己想做嘅嘢。」並盼於演戲以外作多方面發展，她續道：「可以同時兼顧到幾樣嘢，咁個人先充實同圓滿少少。」
現年24歲的吳偉豪今次扮演17歲學生，他笑稱最大挑戰是「外貌太成熟」，惟有靠服裝及髮型搭救。有別劇集《回歸》中的西裝眼鏡行政總裁look，是次吳偉豪換上casual衛衣、配戴耳環，以一頭攣毛示人，笑問可有信心憑「弟弟look」再勁吸姐姐粉，吳偉豪笑道：「我鍾意《回歸》造型多啲，因為今次個攣毛係夾髮片同搽mousse整出嚟，個髮片夾喺頭殼頂好辛苦，我驚會令髮線後移。」提到跟李佳芯拍攝的第一場戲便要喊，當時只拍過《愛．回家之開心速遞》的吳偉豪坦言既緊張又大壓力，幸有李佳芯照顧愈拍愈開心：「見李佳芯同劇組相處融洽、好傾得埋，我都俾佢感染到，令我情緒平靜啲、可以演好場戲。」
【其他閱讀】：
張曦雯母女唔似樣網民嗌驗DNA 五官深邃混血靚樣遺傳自低調靚仔爸爸
「亞視一姐」薛影儀撞樣20歲日女星 化身凹肚臍美少女戰士網民想被懲罰
西西逝世丨名著《哀悼乳房》改編電影 楊千嬅破格只戴bra出鏡被任賢齊摸胸
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應