世界盃2022｜專家分析:牽一髮而動全身
2022-12-17 10:02 
今日談談摩洛哥四強戰教練列拉古的抉擇，賽前摩洛哥轉陣，棄四三三而取三四三陣式打三中堅，傳受傷的一對正選阿古特及路曼沙斯皆會列陣。但到開波時，已有阿古特陣前卸甲，由艾舒拉夫達利取代。而另一正選沙斯，戰至二十分鐘已經退下火綫，由防中沙廉艾馬拿入替，陣式亦調回慣常的四三三。
呢個賽前至二十分鐘的調動，說明了列拉古的抉擇：兩名後備中堅質素稍次，但正選二人則受傷患影響，解決辦法有兩個，要不以三中堅減輕沙斯及阿古特的跑動範圍，一係就用晒兩個後備。當日開波時做現場旁述，已指出摩洛哥的防守最重要係三防中將所有對方由後場向前場的傳送路綫蔽屏，轉三四三會令防中少咗一人，牽一髮而動全身，得不償失。講就容易，身負全非洲大陸及阿拉伯人希望，壓力難以想像，畀着你係教練，你又會點？
摩洛哥上仗向觀眾席跪拜一幕呢份有如主場的戰意，會成贏波意志關鍵。推介就按季軍戰傳統買入球2.5大。 -馬高
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
關鍵字
最新回應