高海寧舉家曼谷旅行賀爸爸生日 自貼素顏黑圖：晚晚熬夜睇波
2022-12-14 21:30 
高海寧（高Ling）是圈中出名的孝順女，向來與屋企人感情好好。早前她在社交網貼出與爸爸的合照，即被網民熱議，笑言覺得高爸爸與才子黃霑有幾分相似！
日前高爸爸生日，高Ling 舉家到曼谷旅行，順道慶祝高爸爸的生日。她貼出一家慶生的照片，更有多張高Ling 與友人聚會的素顏照，只見她皮膚白滑，顏值極高。而當中最有趣的一張，是她自貼在食飯期間恰眼瞓的「黑圖」，高Ling 表示：「最後一張係晚晚熬夜睇波嘅結果，有無人同我一樣？」相當搞笑，網民都表示她恰眼瞓的表情十分可愛。
【點擊睇高Ling與家人溫馨合照】：
出生於南京的高Ling，小時候因家境不太富有，父母因為工作關係，自小跟婆婆一齊生活，直至中一才來港與家人團聚，一家五口租住旺角的細單位，父母在女人街擺檔賣銀器做小販養起頭家。為一圓家人夢想，加上想賺大錢養家，2008年高Ling走去選港姐後入行，但最初收入不多，父母依舊要在女人街擺檔搵食，爸爸更試過涉嫌賣假銀器而被海關拘捕，搞到高Ling又驚又內疚，試過自責地說：「我覺得自己做極都養唔到屋企人，我好想父母唔使再喺女人街擺檔，夏天太熱，女人街咁焗成四十度都有，太辛苦啦！屋企有兩個細佬讀緊書，又要供樓、供車，我會努力養起頭家！」
【其他文章】：
東張西望丨屋邨居民疑被樓上潑漂白水刺鼻氣味攻入屋 化驗後疑似粉末更驚嚇
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應