Juicy叮｜兒子憂競爭大拒讀商科 港媽稱揀「乞食科」 遭網民狠批

選科可能會影響未來的人生道路。有港媽在網上發文指，兒子因擔心競爭大而拒絕入讀商科，寧願選擇社會科學科，即是她眼中的「乞食科」，因此希望說服兒子改變心意。

該名港媽日前在親子王國以「阿仔想讀乞食科...係咪由佢算」為題發文，提到兒子因為擔心競爭大加上不喜歡，因此在Business（商科）與Social Science（社會科學科）之間選擇後者。她指，自己不論是在現實中或是在網上，亦看過就讀社會科學科的人在畢業後「搵唔到好工」。她續指，「同佢講咗但佢都係堅持，問佢之後想做咩佢又話未諗到，都唔知點好」。

請點擊組圖瀏覽：

網民直言「不如你學識尊重下讀唔同學科嘅人先」。網頁截圖

有人指，「犀利！全部讀呢科嘅同學，一次過畀你侮辱晒！」網頁截圖

有人批評，「小朋友好慘，阿媽只關心錢」。網頁截圖

不少自稱就讀「乞食科」的網民分享經歷。網頁截圖

有人指，「雖然我無成就，但都叫獲得我份工嘅入場卷」。網頁截圖

相關帖文卻引起不少網民批評，有人直言「咁講好難聽」、「把口咁差，個仔唔好畀你講中將來要乞食」、「不如你學識尊重下讀唔同學科嘅人先」、「乜你咁講嘢㗎，讀緊嘅人即係點呀？」、「犀利！全部讀呢科嘅同學，一次過畀你侮辱晒！」、「小朋友好慘，阿媽只關心錢」等。

另有人則認為，「何謂好工？點解用乞食科嚟形容，佢肯讀書我覺得要欣賞」、「好多人出社會工作都未必同大學讀嘅有關，只要佢有興趣又肯畀心機讀，作為家長都應該支持」、「我又覺得無乜所謂，佢有興趣讀就得，好過讀到一半話唔讀，有時讀完出嚟做嘢都未必做返相關嘅嘢啦」等。

另外，不少自稱就讀「乞食科」的網民則分享指，「當年跟興趣選科，屋企冇畀壓力，讀得開心。畢業後雖然冇乜專業資格，但慢慢累積工作經驗和進修，一樣有不錯的事業。有時我仲覺得自己選擇工作的自由度大，如初入大學時選了專業科目好似一早已選定了自己的出路」、「我都係你口中乞食科畢業，雖然我無成就，但都叫獲得我份工嘅入場卷。總好過入到熱門科但成績惡劣畢唔到業」、「我老公N年前就係讀乞食科，點知佢讀完就變咗搶手神科。我自己又係讀乞食科，但轉咗好多唔同行業，越轉越好，人工亦都高，跟你讀咩科沒有必然關係」等。

帖文來源：親子王國

 

《星島頭條》APP經已推出最新版本，請立即更新，瀏覽更精彩內容：https://bit.ly/3yLr