Juicy叮｜酒品差家姐醉酒後鬧細佬女友「正宗八婆樣」 網民懷疑另有內情

喝酒要適可而止。有港男在網上發文指，其家姐喜歡喝酒但酒品不好，在喝醉後會大吵大鬧，更會隨機致電其他人，近日更致電樓主的女朋友，並指責對方「正宗八婆樣」，令樓主甚為無奈。

該名港男日前在香港討論區以「冇酒品好心就唔好學人飲酒啦」為題發文，指其家姐喜歡喝沒酒但酒品不好，「只要一飲醉酒就大吵大鬧又亂咁打電話畀人」，近日又因為失戀而再次喝醉。港男指，家姐在回家後吵醒全家人，「阿媽幫佢換衫抹身仲要鬧人」，更不理會當時已是凌晨2時許，拿起手機隨機致電其他人。他指，家姐當時竟致電他的女朋友，「同我女朋友講佢好唔中意我女朋友扮晒清純又乖個樣，正宗八婆樣」。樓主直言，與女朋友由中學開始已經在一起，「以前我完全唔知我家姐係咁樣睇我女朋友」，並指女朋友當時甚為冷靜，並回答指「你飲醉啦，你清醒先再搵我啦」。

港男指，家姐「只要一飲醉酒就大吵大鬧又亂咁打電話畀人」。《酒鬼都市女人們》劇照

港男續指，家姐在結束通話隨即入睡，原本以為她隨後會「斷片」，沒想到她在睡醒後再次向他直言不喜歡他的女朋友，並勸喻他與對方分手，「話呢啲女仔出面一定有好多男人養佢」。樓主直言，不明白家姐為何會說出相關說話，「受過情傷就搞到自己唔相信人」，又指女朋友雖然不介意她這樣說自己，但是亦感到有點傷心，「明明女朋友對我家姐都幾好，行街見到靚野有時又買畀我家姐」。他無奈地表示，「好心冇酒品就唔好學人飲到咁醉啦，平時嘔到周圍係都算，依家仲要搞到大家啲關係咁僵」。

有網民隨後直言「嘩你家姐咁樣邊有正常男人敢要」、「『冇酒品』其實是『冇人品』，酒後現形」、「幫家姐搵返個男朋友，咪煩你少啲」、「又真係幾癲」、「問題咁嚴重，值得去接受戒酒治療」等。另外，有人則指出，「識返屋企識打電話識傾計，唔係斷片式失控，醉極有限，而且酒醉三分醒，你家姐係借醉玩嘢」、「可能你家姐知道咗啲你唔應該知嘅事」、「你家姐應該忍咗好耐無講出口」等。

帖文來源：香港討論區

 

《星島頭條》APP經已推出最新版本，請立即更新，瀏覽更精彩內容：https://bit.ly/3yLr