Juicy叮｜夫妻情侶出街食飯全程唔講嘢 網民理性分析結論係...

莫非見到了戀愛墳墓？有網民細心觀察後，在討論區以「點解好多夫妻情侶出街食全程唔講嘢、淨係睇手機？」發帖詢問。

樓主指「仲要唔食頹嘢、食m記，係食啲中高價位餐廳都係咁，咁究竟出街食嘅意義係咩？如果係淡咗，係冷戰緊，點解又要洗啲咁嘅錢同時間淨係同佢食呢？而第三者角度去睇佢哋又唔覺得只係朋友關係，後生又係咁，中年又係咁，定大家真係有默契到可以精神交流？」

網民回應請點擊組圖瀏覽：

樓主觀察到無聲局面。網上截圖

有網民笑言「佢哋喺whatsapp傾緊，就係唔想啲人聽到」。網上截圖

網民認為「相處最高境界就係默默陪伴」。網上截圖

有網友分析「食飯全程唔講嘢可以有好多原因，可能忙緊，可能真係關係差，但亦可能係關係親密到唔講嘢都唔會尷尬。」。網上截圖

有網民笑言「睇埋台底先啦」。網上截圖

對於這個無聲局面，網民帶著「少年，你太年輕了」口吻回應，並直接查問「樓主中學未畢業？」。網友回應時坦言「日對夜對邊有咁多嘢講」、「日對夜對，對咗十幾年，已經係家人，點解食飯都要迫人傾計」、「因為已經唔需要用說話溝通」、「相處最高境界就係默默陪伴」。

另有網民分析指，「食飯全程唔講嘢可以有好多原因，可能忙緊，可能真係關係差，但亦可能係關係親密到唔講嘢都唔會尷尬。相反，一定要無間斷傾偈，驚dead air嘅話，咁雙方都應該唔係好close」、「兩個人相處，唔講嘢都唔尷，夠comfort，已經好幸福」、

樓主的「無言」觀察，也獲網友認同，指「我都成日留意到隔離枱啲情侶掛住㩒手機，完全冇交流」；有網民則笑言「睇埋台底先啦」、「佢哋喺whatsapp傾緊，就係唔想啲人聽到」。

帖文來源：連登討論區
 

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ