吳若希倒貼公司論被指數臭TVB 事後稱收高層電話賜名「吳知死」
2022-12-10 15:30 
吳若希出道12年，性格爽直的她不時爆出過激言論，令網民對她的印象兩極。早前她為明日（11日）舉行的首個個人演唱會宣傳，接受YouTuber艾力邀請一同拍片。影片標題已經寫明，吳若希於片中語出驚人稱：「全世界都知TVB做嘢冇錢！仲要貼錢！」因而引起網民討論，言論更被指「數臭」TVB。
【相關閱讀】：吳若希無懼得罪公司狂呻TVB做嘢冇錢 大方分享應付Haters的絕密心得
【點擊睇吳若希惹火言論】：
吳若希與艾力一同拍攝「約會系列」，片中被問及入行以來是非多多，吳若希都回應表示：「有是非好開心呀，有是非Post Engagement（貼文互動次數）去得好快。」更坦言需要宣傳時反而希望多些是非。2019年菊梓喬奪得「勁歌女歌星獎」，跟她同門被指因爭做一姐而不和的吳若希在旁大笑，被網民指笑得太浮誇，吳若希表示：「好彩唔係我攞咋！但開心的原因唔係因為佢攞，而係真係唔好係我攞，邊個攞都不是重點，只要唔係我攞就得喇！」原來吳若希曾得過一些大獎後感到有很大壓力，而她唱歌都是為了開心。
艾力都同意吳若希做事是為開心的言論，但她接下來的發言則引起網民誤會，「你估喺TVB做嘢係為錢咩，全世界都知TVB做嘢係冇錢㗎啦！仲要倒貼添呀！」連訪問她的艾力都擔心她的言論會令她被TVB雪藏。吳若希的言論又再成為網民焦點，日前她接受TVB娛樂新聞台訪問就親自解畫：「大家誤會咗我，我意思係喺TVB返工，就算係冇錢都可以去返工嘅！因為我哋太愛呢間公司，呢間公司畀我哋嘅嘢實在太多，（咁你為咩？）冇呀，真係為開心㗎咋！」至於稱要倒貼打工，其實都只是為了作品出來時有更好效果。另外她又自爆言論播出後受到高層的訊息，「今朝小姐傳訊息給我，你呀……吳若希呀，你改名啦，叫做『吳知死』啦！哈哈！」又希望大家不要只看某一句說話或新聞標題，呼籲大家要按入新聞內看全文。
【其他文章】 ：
朱咪咪當奶媽個bra係寶幾乎想擺落夾萬：呢對嘢令到我拍咗好多戲
中年好聲音丨李玟50歲家姐登場兩姊妹一樣樣身材姣好 曾選港姐歷婚變致抑鬱
盤點離婚N次藝人丨林青霞丈夫前妻離婚4次前夫個個有米 有人多次偷食封賤男
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應